Սոցվճարների առավելագույն չափը գերազանցող գումարները առաջիկայում կվերադարձվեն ինքնաշխատ եղանակով

Մի քանի աղբյուրից հաշվարկված և փոխանցված սոցիալական վճարների առավելագույն չափը գերազանցող գումարները ֆիզիկական անձանց առաջիկայում կվերադարձվեն ինքնաշխատ եղանակով և հարկային մարմին դիմելու անհրաժեշտություն այլևս չի լինի:

Ֆիզիկական անձանց բանկային հաշվեհամարների վերաբերյալ տեղեկատվության ստացումը կիրականացվի առցանց եղանակով։ Այսինքն, ավտոմատ համակարգի միջոցով, Կենտրոնական բանկը Պետական եկամուտների կոմիտեին կտրամադրի ֆիզիկական անձին պատկանող մեկ վավեր հաշվեհամար (անկախ արժույթից), որին էլ կփոխանցվի գումարը։

Միաժամանակ, եթե շահառուն ցանկանում է գումարները փոխանցվեն իր նախընտրած վավեր հաշվեհամարին, ապա կարող է այցելել ՊԵԿ սպասարկման ցանկացած սրահ կամ ներկայացնել այն էլեկտրոնային եղանակով` Էլեկտրոնային հարցումների միասնական www.e-request.am հարթակի միջոցով:

ՊԵԿ-ը հիշեցնում է, որ ֆիզիկական անձանց սոցիալական վճարների գումարները վերադարձվում են, եթե մի քանի աղբյուրից ստացված ընդհանուր եկամուտը գերազանցում է ամսական 1 մլն 125 հազար դրամը (նվազագույն ամսական աշխատավարձի՝ 75 հազար դրամի 15-ապատիկը) և (կամ) տարեկան 13 մլն 500 հազար դրամը (նվազագույն ամսական աշխատավարձի 180-ապատիկը)։

Այս թեմայով Հայաստանում կրիպտոակտիվի գնումը և վաճառքը կիրականցվի բացառապես անկանխիկ եղանակով Պուտինն ու Փաշինյանը առաջիկայում կարող են շփումներ ունենալ Ուշադիր եղեք այն ամենին, ինչ կտեսնեք առաջիկայում. Վլադիմիր Մարտիրոսյան Պացիենտն ինքը կորոշի՝ որ ԲԿ-ում հետազոտվի, պետբյուջեի գումարները ՊՎԾ-ի հետ վերահսկում ենք․ նախարար Արտակարգ դեպք՝ Երևանում․ շորթման եղանակով  «Նաիրի Ինշուրանս» ՍՊԸ ղեկավարից փորձել են խոշոր չափի գումար ստանալ Հայաստանի և Ադրբեջանի խորհրդարանների ղեկավարներն առաջիկայում կրկին կհանդիպեն ՆԳՆ միգրացիայի և քաղաքացիության ծառայության և ՃՈ հաշվառման-քննական ստորաբաժանումներում վճարումները կիրականացվեն անկանխիկ եղանակով «Ժողովուրդ». Հակակոռուպցիոն դատարանում առաջիկայում հարցաքննության կհրավիրվի դատավոր Գագիկ Պողոսյանը Ինչպես փոխել կենսաթոշակը կամ նպաստը վճարող բանկը առցանց եղանակով Ինչ պետք է իմանալ մի քանի աղբյուրից փոխանցված սոցվճարների առավելագույն չափը գերազանցող գումարների վերադարձի մասին