Շրջակա միջավայրի նախարարի տեղակալը մասնակցել է «Շենքերի և կլիմայի գլոբալ ֆորումին»

Ֆրանսիայի կառավարության հրավերով Շրջակա միջավայրի նախարարի տեղակալ Արամ Մեյմարյանի գլխավորած պատվիրակությունը մարտի 7-8-ը Փարիզում մասնակցել է «Շենքերի և կլիմայի գլոբալ ֆորումին»։ Ֆորումի ընթացքում ստորագրվել է «Բեկում շինարարության ոլորտում» կամ «Շեյլոթի» հռչակագիրը (Buildings breakthrough) նպատակ ունենալով մինչև 2030 թվականը նպաստել զրոյական արտանետումներով դիմակայուն շենքերի կառուցմանը և հիմանանորոգմանը՝ Փարիզյան համաձայնագրի նպատակներին հասնելու համար։

Նախարարական բարձրաստիճան հանդիպմանը Շրջակա միջավայրի նախարարի տեղակալը Արամ Մեյմարյանը հանդես է եկել ելույթով՝ կարևորելով շրջակա միջավայրի ոլորտում Ֆրանսիայի Հանրապետության հետ փոխշահավետ համագործակցության ամրապնդումը։

Նախարարի տեղակալն իր ելույթում անդրադարձել է մասնավորապես հետևյալ առանցքային կետերին՝

Շրջակա միջավայրի ազդեցության սահմանափակումը շենքերի և շինարարության ոլորտում՝ առավել դիմակայուն շենքերի արագ անցումը ապահովելու նպատակով, էներգաարդյունավետության բարձրացումը, որպես կարևոր կլիմայական գործողություն՝ ինչը կնպաստի շենքերի ֆոնդից ջերմոցային գազերի արտանետումները կրճատմանը, կլիմայական չեզոքության հասնելու և կլիմայի փոփոխության հանդեպ երկրի դիմակայության բարձրացման համատեքստում։

Արամ Մեյմարյանը նշել է, որ Հայաստանը COP 28-ում միացել է նաև Գլոբալ վերականգնվող էներգետիկայի և էներգաարդյունավետության բարձրացման հանձնառությանը՝ նպատակ ունենալով այս ոլորտում նպաստել գլոբալ կարողությունների եռապատկմանը և էներգաարդյունավետության կրկնապատկմանը, ինչը լիովին համահունչ է Հայաստանի առաջնահերթություններին։

Նախարարի տեղակալը տեղեկացրել է, որ 2017 թվականից մեկնարկել է «Շենքերի էներգաարդյունավետ արդիականացմանն ուղղված ներդրումների ռիսկերի նվազեցում» դրամաշնորհային ծրագիրը, իսկ 2022 թվականին մեկնարկել է Բնակարանների և անհատական բնակելի տների էներգաարդյունավետ վերանորոգման աշխատանքների պետական աջակցության ծրագիրը։

Հայաստանի Կառավարությունը Հաստատել է «Ջերմոցային գազերի ցածր արտանետումներով զարգացման երկարաժամկետ (մինչև 2050 թվական) ռազմավարությունը։

Այցի շրջանակում նախարարի տղակալը երկկողմ հանդիպում է ունեցել ՄԱԿ-ի գլխավոր քարտուղարի օգնական, ՄԱԿ Շրջակա միջավայրի ծրագրի Նյու Յորքի գրասենյակի ղեկավար տկն Լիգիա Նորոնհայի հետ։ Հանդիպման ընթացքում քննարկվել է Հայաստանում ՄԱԿ Շրջակա միջավայրի ծրագրի գրասենյակ բացելու հնարավորությունը և Հայաստանում վաղ ազդարարման համակարգի բարելավման և զարգացման համար ՄԱԿ ՇՄԾ հնարավոր աջակցության և համագործակցության հեռանկարները։

Այս թեմայով Շրջակա միջավայրի նախարարության ենթակա ՊՈԱԿ-ների տարածքներում իրականացվել է ծառատունկ Զինծառայողները մեծին, փոքրին պայքարելով տեսնելով մոտեցել են. դա ներկայացնել քաղաքական պրոցեսների մասնակցել՝ չի կարելի. Բագրատ Սրբազան Դավիթյանը մասնակցել է Սանդրինհեմի դեմ հանդիպմանը ՀՀ ԱԺ պատգամավորները մասնակցել են Խորհրդարանական համաշխարհային ֆորումին Հնդիկ ուսանողները ահազանգում են՝ «Հայբուսակը» չի թողնում մասնակցել պետական ավարտական քննություններին. Hetq.am ԲՏԱ նախարարի տեղակալն այցելել է «Ինժեներական քաղաք» Վահան Կոստանյանը հանդիպում է ունեցել Սաուդյան Արաբիայի տեղեկատվական տեխնոլոգիաների նախարարի տեղակալ Ահմադ Ալ-Սայանի հետ Լիլիթ Շաբոյանը նշանակվել է ՀՀ էկոնոմիկայի նախարարի մամուլի քարտուղար Միրզոյանը Սաուդյան Արաբիայի կրթության նախարարի հետ քննարկել է ոլորտում համագործակցությանն առնչվող հարցեր Ժաննա Անդրեասյանը կմասնակցի Համաշխարհային կրթական ֆորումին