Ինչպես Փաշինյանը «քցեց» Թավշյա հեղափոխության շարժիչ ուժ ուսանողությանը

ԼՈւՐԵՐ.com-ը հանրության դատին է ներկայացնում նոր շարք, որի շրջանակում կդիտարկենք, թե հանրության որ սեգմենտն ինչպես է խաբվել և քցվել գործող իշխանությունների կողմից: Այսօր մեր ուշադրության կենտրոնում կլինեն ուսանողները, որոնց մասնակցությունը 2018 թվականի Թավշյա հեղափոխությանը չի կարելի գերագնահատել: Ինքը՝ Փաշինյանը, բողոքի ակցիաների ընթացքում բազմիցս հայտարարել էր, որ հենց ուսանողությունն է իր կողմից հռչակված հեղափոխության շարժիչ ուժը:

Ահա թե ինչպես էին Կոմիտասի անվան  կոնսերվատորիայի ուսանողները 2018-ին պայքարում Նիկոլ Փաշինյանին իշխանության բերելու համար: 

Անշուշտ, այս ուսանողները փողոց էին դուրս եկել առավել որակյալ, մատչելի կրթություն և ապաքաղաքական բուհեր ունենալու հույսով: Սակայն, այսօր արդեն հայտնի է դարձել, որ հեղափոխությունից շուրջ 6 տարի անց Փաշինյանն ու թիմակիցները որոշել են փակել Կոնսերվատորիան և այն միավորել այլ բուհերի հետ: Երևանի Կոմիտասի անվան պետական կոնսերվատորիայի ռեկտորատը դեմ է բուհերի օպտիմալացման և խորոշացման ծրագրին։ Կոնսերվատորիան «Ֆեյսբուքի» էջում այս մասին հայտարարություն է տարածել։ «Կոնսերվատորիայի ղեկավարությունն արվեստի ԲՈւՀ-երի միավորման հարցի շուրջ իր կարծիքն ու դիրքորոշումը գրավոր ներկայացրել է ԿԳՄՍ նախարարին դեռևս անցյալ տարի։ Այն ներկայացված է նաև ռազմավարության մշակման հանձնախմբին և գիտկոմի նախագահին։ ԵՊԿ ռեկտոր Սոնա Հովհաննիսյանն իր և ԲՈւՀ-ի ղեկավար կազմի դիրքորոշումը հրապարակել է ԵՊԿ գիտական խորհրդի փետրվարյան նիստի ժամանակ։ Հանգամանորեն ներկայացվել են այս նախագծի հետ ԲՈւՀ-ի անհամաձայնության հիմնավորումներն ու առաջարկները»,– ասված է հաղորդագրությունում։ Եվ այնպես չէ, որ Փաշինյանի բարեփոխումները շրջանցել են մյուս բուհերը: Այսպես,  լուրեր են շրջանառվում, թե շուտով միավորվելու են Հայաստանի ազգային պոլիտեխնիկական համալսարանը, Հայաստանի ազգային ագրարային համալսարանը եւ Ճարտարապետության եւ շինարարության ազգային համալսարանը։ Միավորված բուհը կոչվելու է Հայաստանի տեխնոլոգիական համալսարան։ Ամիսներ առաջ էլ Բրյուսովի անվան պետական համալսարանում էր բողոքի ալիք բարձրացել, պատճառը տեղեկությունն էր, որ համալսարանը միավորվելու է երկու այլ բուհի հետ՝ Խաչատուր Աբովյանի անվան պետական մանկավարժական համալսարանի եւ Ֆիզիկական կուլտուրայի եւ սպորտի պետական ինստիտուտի: 

Ինչպես տեսնում ենք՝  Փաշինյանն այլևս հաշվի չի առնում այն ուսանողների շահերն ու կարծիքը, ում օգնությամբ 2018-ին եկավ իշխանության և ովքեր, ըստ իր խոսքերի, իր հաղթանակի շարժիչ ուժն էին հանդիսանում:

Շարունակելի...

Այս թեմայով Նիկոլ Փաշինյանին ու Աննա Հակոբյանին նկարահանել են Սևանում գտնվող սրճարանում (տեսանյութ) Փաշինյանը տիկնոջ հետ հանդիպել է «ՀՀ վարչապետի գավաթ» սեղանի թենիսի մրցաշարի եզրափակիչ փուլի մասնակիցներին Փաշինյանը հետևել է Գավառի հրապարակում քյուֆթայի և փախլավայի պատրաստման վարպետաց դասին (լուսանկարներ) Մենք 4 գյուղը չենք տալիս Ադրբեջանին, մենք 4 գյուղը վերցնում ենք Ադրբեջանից․ Փաշինյան ՈւՂԻՂ. Նիկոլ Փաշինյանը Գավառում է. հանդես է գալիս դասախոսությամբ «Այսօր Նիկոլ Փաշինյանը կգնա Գավառ. արժանապատիվ քաղաքացիներ դուք գիտեք ինչ անել. սատանաները պետք է հանգիստ չունենան ոչ մի տեղ» Փաշինյանը ողջ հանրապետությունով համերգներ է կազմակերպել Փաշինյանի գլխավորությամբ խորհրդակցություն է տեղի ունեցել կառավարությունում Փաշինյանը ՔՊ նախաձեռնող խմբի նիստին հանդես է եկել սահմանազատման գործընթացի մեկնարկի մասին զեկույցով ԱՄՆ նախազգուշացնող «մեսիջը»՝ Փաշինյանին, թե լավ բեմադրված շոու