Իշխանությունները բացահայտեցին Հռոմի ստատուտի վավերացման իրական նպատակը

Այսօր կայացած մամուլի ասուլիսի ընթացքում վարչապետ Նիկոլ Փաշինյանը, պատասխանելով հարցին, թե արդյոք Հայաստանի իշխանությունների օրակարգում կա միջազգային ատյաններում ընդդեմ Ադրբեջանի գանգատներից հրաժարվելու հարց, փաստացի չհերքեց այդ տեղեկությունները՝ նշելով, որ բանակցությունների ընթացքում այդպիսի հարց քննարկվել է եւ քննարկվում է: «Մեր դիրքորոշումը հետեւյալն է, որ դա մի հարց է, որը կարող է քննարկվել ամենավերջում, երբ, ըստ էության, խաղաղության պայմանագրի դրույթներն արդեն իսկ համաձայնեցցված կլինեն եւ արդեն ակնհայտ կլինի, որ կողմերը պատրաստ են դա ստորագրել: Դա տրամաբանական է, որովհետեւ եթե կողմերը գալիս են համաձայնության եւ հասնում են ստորագրման փուլին, ես չեմ բացառում եւ նույնիսկ տրամաբանական կհամարեմ երկուստեք նաեւ նման լուծման գնալը»,-ասաց Փաշինյանը:

Ստացվում է՝ Նիկոլ Փաշինյանն ընդունում է, որ այսքան ժամանակ մոլորեցրել է սեփական հանրությանը՝ պնդելով, որ Հռոմի ստատուտին Հայաստանի միանալը պայմանավորված էր Ադրբեջանի և անձամբ Իլհամ Ալիևի դեմ միջազգային ատյաններում գործընթացներ սկսելու ցանկությամբ: Միևնույն ժամանակ Փաշինյանը պնդում էր, որ Հռոմի ստատուտի վավերացումը որևէ կապ չունի ՌԴ–ի հետ և դրա վավերացումը պայմանավորված չէ Արևմուտքի ճնշումներով:

Փաստորեն, սեփական հանրությունից զատ Փաշինյանը մոլորեցրել է նաև ռուսական կողմին՝ վերջիններին տալով կեղծ հավաստիացումներ: Անշուշտ, Հռոմի ստատուտը նաև բազմաթիվ հնարավորություններ է ընձեռում, սակայն ոչ այն դեպքում, երբ երկրի ղեկավարությունը բացեիբաց հայտարարում է, որ այդ հնարավորություններից օգտվելու որևէ ցանկություն և նպատակ չունի: Այս որոշումից տուժելու են նաև արցախահայերը, քանի որ Բաքվի վարչակարգի կողմից էթնիկ զտման ենթարկելուց հետո չեն դիմել միջազգային դատարան այն հույսով, որ դա նրանց փոխարեն կանի պետությունը: Մինչդեռ պետությունը լվանում է ձեռքերը: Ուշագրավ է, որ Փաշինյանի այս հայտարարությունների ֆոնին Բաքվից չի հնչել և ոչ մի մեսիջ, որ Ալիևի վարչակարգը պատրաստվում է նմանատիպ քայլեր ձեռնարկել Հայաստանի նկատմամբ: Ավելին՝ Ադրբեջանում խոսում են Հայաստանին միլիարդավոր դոլարների ռեպարացիայի պահանջ ներկայացնելու մասին և, կարծես թե, ադրբեջանական կողմը չի պատրաստվում հետ կանգնել իր այդ ծրագրից:

Այս թեմայով Հռոմի պապը մտահոգություն է հայտնել Մերձավոր Արևելքում իրավիճակի կապակցությամբ Եկե՛ք խուսափենք տարածաշրջանում հակամարտությունն ընդլայնելու փորձերից․ Հռոմի պապ Հռոմի պապը լվացել է 12 կին բանտարկյալների ոտքերը (լուսանկարներ) Հռոմի պապը շնորհավորել է Պուտինին Հռոմի ստատուտով ՀՀ ստանձնած պարտավորությունների կատարման ընթացքն Արա Մկրտչյանը ներկայացրել է Քրիստոֆ Զաֆերլինգին Վահագն Խաչատուրյանը Հռոմի Պապին ուղերձ է հղել Ուկրաինային զենք է պետք, այլ ոչ թե «սպիտակ դրոշներ». Ստոլտենբերգը՝ Հռոմի պապին Պուտինը ՀՀ գալու է ԵԱՏՄ նիստին մասնակցելո՞ւ համար, թե՞ չի համարձակվի Հռոմի ստատուտի պատճառով. Խամոյան Զելենսկին Ուկրաինայի վերաբերյալ Հռոմի պապ Ֆրանցիսկոսի հայտարարություններն անվանել է «վիրտուալ միջնորդություն» Հռոմի պապն Ուկրաինային անվանել է «պարտվող կողմ»