Քննարկվել են խոցելի խմբերի կյանքի բարելավմանը միտված ծրագրի շրջանակում իրավասու հանձնաժողովի հետ համագործակցության ձեւաչափերը

ՀՀ ԱԺ աշխատանքի եւ սոցիալական հարցերի մշտական հանձնաժողովի նախագահ Հերիքնազ Տիգրանյանը, հանձնաժողովի պատգամավորներ Գայանե Եղիազարյանը եւ Մարիամ Պողոսյանը հանդիպել են «Դիմոքրասի Ինթերնեշնլ» կազմակերպության հայաստանյան գրասենյակի տնօրեն, «Սոցիալական պաշտպանություն, ներառում եւ հզորացում» ծրագրի ղեկավար Լիզբեթ Զոննեվելդին ու ծրագրի ներկայացուցիչներին:

2023 թվականին մեկնարկած ծրագիրն իրականացվում է ԱՄՆ ՄԶԳ ֆինանսավորվամբ: Նպատակն է իրավական կարգավորումների, պատշաճ ծառայությունների մատուցման, պետության եւ հասարակական կազմակերպությունների ակտիվ համագործակցության միջոցով բարելավել խոցելի եւ մարգինալացված խմբերի կյանքը: 20 մլն ԱՄՆ դոլար արժողությամբ ծրագիրը միտված է նաեւ ճգնաժամային իրավիճակներում մարդկանց սոցիալական պաշտպանությանը:

Հանդիպման ընթացքում քննարկվել են հանձնաժողովի հետ հետագա համագործակցության ուղղությունները, գործիքակազմը, որով իրավասու հանձնաժողովը կարող է օժանդակել ծրագրի արդյունավետ իրականացմանը:

Ծրագրի առանցքային բաղադրիչներից են Ազգային ժողով-Կառավարություն-քաղաքացիական հասարակություն համագործակցությունը, գենդերազգայուն օրենսդրության առկայությունը եւ գենդերազգայուն բյուջետավորումը: Հերիքնազ Տիգրանյանը մանրամասն ներկայացրել է քաղհասարակության հետ հանձնաժողովի արդյունավետ փոխգործակցության լավագույն փորձը, ինչպես նաեւ օրենսդրական մակարդակում իրականացվող աշխատանքն ու ոլորտում բարեփոխման առաջնահերթ խնդիրները: Այս համատեքստում կարեւորվել է պետության կարիքների գնահատումն ու դրա հիման վրա ՀԿ-ների կողմից փաստահեն հետազոտությունների իրականացումը, ինչն էլ կարող է հետագայում օրենսդրական փոփոխությունների հիմք հանդիսանալ:

Ծրագրի պատասխանատուները հասարակական կազմակերպությունների կարողությունների զարգացման, ինչպես նաեւ գենդերազգայուն օրենսդրության մշակման ու գենդերազգայուն բյուջետավորման գործընթացներում աջակցելու պատրաստակամություն են 

Կողմերը պայմանավորվել են առաջիկայում հանդիպել եւ քննարկել ընթացակարգային հարցերն ու համագործակցության ձեւաչափերը:

Այս թեմայով Քննարկվել են ՀՀ-ում խաղողագործության և գինեգործության ոլորտի առկա խնդիրները Քննարկվել են ՀՀ-Իտալիա ռազմական համագործակցության հարցեր Քննարկվել են Հայաստան-Սիրիա միջխորհրդարանական հարաբերությունների ընդլայնման հեռանկարները Քննարկվել է Հայկական ԱԷԿ-ի երկրորդ էներգաբլոկի շահագործման երկարաձգման հարցը. ՏԿԵՆ Քննարկվել են Հայաստան-Չեխիա ռազմատեխնիկական համագործակցության ընթացքը և զարգացման հեռանկարները Շարժական պատվաստումային խմբերի միջոցով մարզերում կիրականացվեն կարմրուկի դեմ պատվաստումներ. ԱՆ ԱՄՆ Սենատի արտաքին հարաբերությունների հանձնաժողովի ավագ փորձագետն ու ՀՀ-ում ԱՄՆ դեսպանն այցելել են Հայոց ցեղասպանության հուշահամալիր ՀԻՄԱ․ ՀՀ ԱԺ արտաքին հարաբերությունների մշտական հանձնաժողովի հերթական նիստ Ես հրաժարվել եմ այդ հանձնաժողովի անդամ լինելուց, ես իմ սահմանը ճանաչում եմ դիրքերով, ոչ թե փշալարով. Բաղանիսի գյուղապետ Քննարկվել է EuroPris-ին Հայաստանի անդամակցության հնարավորությունը