Հունաստան-Հայաստան միջխորհրդարանական բարեկամության խմբի ղեկավարն ընդունել է ՀՀ այցելելու հրավերը

Հունաստանում ՀՀ արտակարգ և լիազոր դեսպան Տիգրան Մկրտչյանը մարտի 14-ին խորհրդարանում հանդիպեց Հունաստան-Հայաստան միջխորհրդարանական բարեկամության խմբի հետ` կառավարող «Նոր ժողովրդավարություն» կուսակցության խորհրդարանական խմբակցության գլխավոր քարտուղար, Հունաստան-Հայաստան միջխորհրդարանական բարեկամության խմբի ղեկավար Ստավրոս Կալաֆատիսի գլխավորությամբ:

Հայաստանի դեսպանը իր երախտագիտությունը հայտնեց հյուրընկալող կողմին նոր ձևավորված բարեկամության խմբի հետ հանդիպման համար։ Դեսպանն ընդգծեց բարեկամական հարաբերությունների բարձր մակարդակը և այդ համատեքստում անդրադարձավ խորհրդարանական դիվանագիտությանը որպես կարևոր հարթակ երկկողմ և բազմակողմ հարաբերություններում:

Ընդգծելով փոխադարձ այցերի և իրավիճակին տեղում ծանոթանալու կարևորությունը, դեսպան Մկրտչյանը վերահաստատեց հայկական կողմի հրավերը Հունաստանի խորհրդարանի Հունաստան-Հայաստան բարեկամական խմբին այցելել Հայաստան՝ պարոն Կալաֆատիսի գլխավորությամբ։

Ստավրոս Կալաֆատիսն իր հերթին ընդգծեց հայ-հունական բացառիկ և եղբայրական հարաբերությունների բարձր մակարդակը, որը ևս մեկ անգամ փաստում է, որ անհրաժեշտ է խթանել և է՛լ ավելի խորացնել այդ կապերը՝ ի նպաստ երկու ժողովուրդների բարեկեցության։

Հույն խորհդարանականը նաև հավելեց, որ հունական կողմը պատրաստ է ընդունելու և քննարկելու մտքեր, առաջարկներ, քայլեր, որոնք կծառայեն ընդհանուր նպատակներին։ Այս համատեքստում կարևորեց երկկողմ այցերի իրականացումը և սիրով ընդունեց հայկական կողմի՝ Հայաստան այցելելու հրավերը։

«Մենք խորապես հավատում ենք խորհրդարանական դիվանագիտության ներուժին»,- նշեց նա դեսպան Մկրտչյանի հետ հանդիպման ավարտին:

Դեսպան Մկրտչյանը բարեկամական խմբին ներկայացրեց նաև Հայաստան-Ադրբեջան բանակցային գործընթացում առկա մարտահրավերները և դրանց հաղթահարմանն ուղղված Հայաստանի քայլերը, այդ թվում և վստահելի գործընկերների հետ հարաբերությունների խորացման ուղղությամբ։ Այս համատեքստում ընդգծվեց ԵՄ հետ հարաբերությունների օրակարգն առավել ընդգրկուն դարձնելու հրամայականը։

Այս թեմայով Այսօր հարգում ենք Ցեղասպանության զոհերի հիշատակը. Դենդիաս Հունաստանի ափերի մոտ միգրանտներ տեղափոխող նավ է խորտակվել․ կան զոհեր Հունաստանի պաշտպանության նախարարի այցն ավարտվել է․ ՀՀ ՊՆ Հայաստանը Հունաստանի պատմական բարեկամն է․ Դենդիաս Դենդիասը հնարավոր է համարում ՀՀ-Հունաստան-Ֆրանսիա- Հնդկաստան քառակողմ համագործակցությունը պաշտպանության ոլորտում Քննարկել ենք Հայաստան-Կիպրոս-Հունաստան եռակողմ ձևաչափով համագործակցությունը. Պապիկյան Հունաստանի պաշտպանության նախարարը կայցելի Հայաստան Նիկոլ Փաշինյանը տիկնոջ՝ Աննա Հակոբյանի հետ ժամանել են Հունաստան Նիկոլ Փաշինյանն աշխատանքային այցով մեկնել է Հունաստան Դեսպան Մկրտչյանը հանդիպել է Հունաստան-Հայաստան միջխորհրդարանական բարեկամության խմբի ղեկավարին