Ալիևը հայտարարել է, թե 2018-ից հետո ՀՀ նոր կառավարությունը խոստացել է «վերադարձնել տարածքները»

«Համաձայնության գալու հնարավորություն կար 2018-ին, երբ Հայաստանում իշխանությունը փոխվեց։ Հետո Հայաստանի նոր կառավարությունից հավաստիացումներ ստացանք, որ իրենց կպահեն միջազգային իրավունքին համապատասխան, և տարածքները կվերադարձվեն։ Նման ակնկալիքներ ունեինք։ Եթե ​​այն ժամանակ Հայաստանի նոր իշխանությունը նախընտրեր իրեն պահել այնպես, ինչպես հիմա, ապա մեր ինքնիշխանության հարկադիր վերականգնման կարիքը չէր լինի»։ Այս մասին հայտարարել է Ադրբեջանի նախագահ Իլհամ Ալիևը Բաքվի XI գլոբալ ֆորումում, հաղորդում են ադրբեջանական լրատվամիջոցները։

«Բայց, ցավոք, 2019-ին Հայաստանի նոր ղեկավարությունը բացարձակապես անընդունելի առաջարկներ արեց։ Օրինակ՝ պահանջեց, որ Ադրբեջանը բանակցի ԼՂ ղեկավարների հետ։

Խաղաղության համաձայնագրի հիմքերի վրա մեր բոլոր զարգացումները պետք է ջնջվեին, ամեն ինչ պետք է սկսեինք զրոյից, իսկ Հայաստանը չէր պատրաստվում ոչ մի թիզ տարածք վերադարձնել։ Ավելին, Հայաստանի վարչապետի հայտնի կարգախոսը, թե «Ղարաբաղը Հայաստան է», նախ միջազգային իրավունքի բացարձակ խախտում է, և երկրորդ՝ չափազանց հավակնոտ»,-հայտարարել է Ալիևը։

По теме «Гражданский договор»: После 2018 года в Армении невозможно говорить об ограничении свободы собраний «Революционная инфляция» Пашиняна. Как подорожала жизнь после 2018 года Обманутые бенефициары пособий и растущая бедность. Очередная ложь Пашиняна и его команда в 2018 году