ՀԱՊԿ նիստերին չեք մասնակցում, բայց ուզում եք աջակցություն ցուցաբերվի․ Ագնեսա Խամոյանը՝ Միրզոյանին

Այսօր Ազգային ժողովում ընթանում էր արտաքին հարաբերությունների մշտական հանձնաժողովի հերթական նիստը, որի ընթացքում ԱԳ նախարար Արարատ Միրզոյանը հանդես եկավ նման հայտարարությամբ՝ դիմելով «Հայաստան» խմբակցության պատգամավոր Ագնեսա Խամոյանին․

«Ի՞նչ ենք մենք ուզում ՀԱՊԿ-ից․ մենք ՀՀ անվտանգությունն ենք ուզում, սա է այն մոտիվացիան, որով մենք անդամակցել ենք այդ կառույցին։ Լավ, քաղաքական տարաձայնությունները մի կողմ, դուք ու՞մ կողմից եք և ու՞մ շահն եք ներկայացնում, իմ հարցը շատ լեգիտիմ է»։

Ի պատասխան՝ ընդդիմադիր պատգամավորը հետևյալ կերպ արձագանքեց․

«Պարո՛ն Միրզոյան, ձեզ պետության հետ մի՛ նույնացրեք։ Խոսքը ձեր վարած քաղաքականության մասին է, դադարեցրե՛ք էժան մանիպուլյացիաները, ամեն անգամ մեր հարցադրումներին ի պատասխան հակադարձելով, թե՝ դուք ում շահն եք սպասարկում։ Մենք սպարկում ենք Հայաստանի Հանրապետության շահը և ձեզ շատ պարզ հարցադրումներ ենք տվել՝ պատրաստվու՞մ եք դուրս գալ ՀԱՊԿ-ից, թե՞ ոչ, ո՞րն է ՀԱՊԿ-ի այլընտրանքը։ Դուք նիստերին չեք մասնակցում, ոչ մի բանի մասնակցություն չեք ուզում ունենալ, բայց ուզում եք ՀԱՊԿ-ը տեղից շարժվի, աջակցություն ցուցաբերի, ռազմական կամ քաղաքական գնահատական հնչեցնի»,- նման հարցադրում արեց Խամոյանը, որին պատասխանելով՝ ԱԳ նախարարը հակադարձեց․

«Քննարկումներ են եղել, մենք բանակցում ենք, աշխատում ենք, բայց եթե ի վերջո տեսնում ենք, որ պարտավորությունները չեն կատարվում, երևի թե ողջամիտ է մտածել ուրիշ ինչպես կարող ենք այդ հարցերը լուծել»,- նշեց նա։

Այս թեմայով ԵՄ-ում Հայաստանի դեսպան. ՀԱՊԿ-ը լքեց մեզ Աջակցություն գյուղատնտեսական նշանակության հողերի միավորմանը. պետությունը կփոխհատուցի ձեռք բերվող և միավորվող հողերի կադաստրային արժեքի 30 տոկոսը. «Փաստ» Մինսկն այսուհետ ռազմական օգնություն կցուցաբերի ՀԱՊԿ երկրներին. Բելառուսը նոր դոկտրին է հաստատել Երեւանում քաղաքացիները վաղ առավոտյան փակել են Ազատության պողոտան՝ ի աջակցություն տավուշցիների Մենք հեղափոխություն չենք անում, վարչապետ չենք փոխում, բայց թուրքին մի բերեք մեր տան մեջ. ակցիա ՀԱՄԱՍ-ը պատրաստ է վայր դնել զենքերը, բայց մի պայմանով Այստեղ է՞լ է ՀԱՊԿ-ը մեղավոր. Զախարովա Հենց հիմա որ ստեղ կանգնած ենք, էս տարածքը անցնելու ա Ադրբեջանին, բայց կադաստրով մերն ա (տեսանյութ) Ես ի՞նչ իմանամ՝ Էրդողանն ինչ է ուզում, նրա խոսքերը չէի ուզենա կիսել․ Տիգրան Մանսուրյան (տեսանյութ) Գնդապետը ծանր վնասվածքներ ունի, բայց կյանքին վտանգ չի սպառնում․ Չալաբյանն այցելել է Միհրան Մախսուդյանին