ՌԴ մտադրությունների անկեղծության վերաբերյալ Հայաստանի կասկածներն ունեն պատմական պատասխան. Զախարովա

ՌԴ մտադրությունների անկեղծության վերաբերյալ Հայաստանի կասկածներն ունեն պատմական պատասխան։ Ռուսաստանը բազմաթիվ անգամ եկել է օգնության, պաշտպանել նրան, ջանքեր գործադրել, որպեսզի դադարեցնի արյունահեղությունը, ՌԻԱ Նովոստիին տված հարցազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«Եթե որևէ մեկը Հայաստանում հարցեր ունի մեր մտադրությունների անկեղծության մասին, ես կարծում եմ, որ կա դրա պատմական պատասխանը։ Դա մեր տղաների այն թվաքանակն է, որոնք պաշտպանել են Հայաստանը և Ռուսաստանի ղեկավարության ու անձամբ Ռուսաստանի նախագահ Վլադիմիր Պուտինի այն ջանքերն են, որոնք նա ներդրել է այն բանի համար, որպեսզի քանիցս դադարեցնի արյունահեղությունն այդ տարածաշրջանում»,- ասել է Զախարովան։

«Այն թանկ արժե։ Եվ դրանք դատարկ խոսքեր, խոստումներ չեն, որոնք տալիս են և ինչպես միշտ տվել են արևմտյան շատ երկրներ Հայստանին, Երևանին այն մասին, որ կպաշտպանեն, կօգնեն և այլն։ Ընդ որում՝ չգիտես ինչու, կպաշտպանեն Ռուսաստանից, որն իսկապես կանգնեցրել է արյունահեղությունը, որն իսկապես ֆինանսական և տնտեսական օգնություն է տվել՝ փոխարենը ոչինչ չպահանջելով և ստրկական պայմաններ չդնելով, որը տուն է դարձել հսկայական թվով ընտանիքների, քաղաքացիների, մարդկանց, պրոֆեսիոնալ շահերի համար»,- հայտարարել է Զախարովան։

«Եվ մենք չենք խոսում այն մասին, թե ո՞ւմ փախստականներն են ավելի լավը կամ վատը՝ նրա՞նք, ովքեր գալիս են Ուկրաինայի տարածքից, թե՞ նրանք, ովքեր գալիս են Կովկասից։ Դա երբեք չի եղել։ Միշտ գրկաբացություն, հյուրընկալություն, օգնության ձեռք, ընդ որում՝ իսկական օգնության ձեռք, այն հնարավորությամբ, որը միշտ տվել է Ռուսաստանը»,- ասել է Զախարովան։

«Եվ բնավ չենք ցանկանում, որպեսզ հիմա տեղեկատվական տեխնոլոգիաների, ագրեսիվ հռետորաբանության շնորհիվ՝ Հայաստանի ժողովրդին պարտադրեն մի ինչ-որ հակառուսական օրակարգ։ Մենք միշտ նրանց կողքին ենք լինելու, մենք միշտ օգնելու ենք, մենք միշտ Հայաստանին, այդ երկրի ժողովրդին վերաբերվելու ենք բաց սրտով ու մաքուր հոգով»,- ասել է Զախարովան։

Այս թեմայով Ալիևը Բլինքենին ասել է, որ Ադրբեջանի և Հայաստանի միջև սահմանազատումից բացի սկսվել է սահմանագծման գործընթացը Եվրամիության հետ Հայաստանի ավելի սերտ հարաբերությունների հաստատումը սպառնալիք չէ Մոսկվայի համար. Տիգրան Բալայան ՀԱՄԱՍ-ը պաշտոնական պատասխան է ստացել Իսրայելից ԵՄ-ում Հայաստանի դեսպան. ՀԱՊԿ-ը լքեց մեզ Հայաստանի և Ադրբեջանի միջև հակամարտության խաղաղ կարգավորման շանսերն առավել քան երբևէ մեծ են. Շոլց Կիրանցը միասին դարձնենք Հայաստանի պարտվողական, հանձնվողական քաղաքականությանը վերջ տալու սկզբնակետը. Աբրահամ Գասպարյան (տեսանյութ) Հայաստանի լինելիության հարցն է որոշվում. ապագայի շատ կոնկրետ նախագիծ է դրվում սեղանին․ վարչապետ (տեսանյութ) 2020թ․ Երևանում տեղի ունեցած զանգվածային անկարգություններին մասնակցած ևս երկու անձի վերաբերյալ քրեական վարույթով նախաքննությունն ավարտվել է Երևանը դիտարկում է Հայաստանի ու Ադրբեջանի ԱԳ նախարարների հանդիպում կազմակերպելու Ղազախստանի առաջարկը Հակակոռուպցիոն դատարանում կհրապարակվի Վանաձորում ընտրված համայնքապետ Մամիկոն Ասլանյանի կալանքի վերաբերյալ որոշումը