Ղրիմի հարցը փակված է, այն Ռուսաստանի անբաժանելի մասն է. Լավրով

«Ղրիմի և Սևաստոպոլի սեփականության հարցը փակված է, թերակղզին, ըստ նրա բնակիչների կամքի, Ռուսաստանի անբաժանելի մասն է»,- այս մասին մարտի 16-ին Ղրիմի հանրաքվեի կապակցությամբ իր ուղերձում ասել է Ռ ԱԳ նախարար Սերգեյ Լավրովը, գրում է Regnum-ը։ 

«2014 թվականի մարտին Ղրիմի բնակիչները գիտակցաբար որոշեցին իրենց ապագան՝ որոշելով վերամիավորվել Ռուսաստանի հետ և դրանով իսկ իրացնել ինքնորոշման իրենց իրավունքը՝ ամրագրված ՄԱԿ-ի կանոնադրությամբ և միջազգային իրավունքի սկզբունքների հռչակագրում։ Այս որոշումը հնարավորություն է տվել պաշտպանել Ղրիմի կյանքը, պատիվն ու արժանապատվությունը Կիևում ռուսաֆոբ ռեժիմի ոտնձգություններից։

Մենք բոլորս լավ ենք հիշում այդ տագնապալի, սարսափելի գարունը, երբ արյունալի հեղաշրջման արդյունքում՝ Կիևում իշխանությունը զավթեցին նեոնացիստները։ Մենք հիշում ենք նաև տխրահռչակ «բարեկամության գնացքները», որոնք սարքավորվել են Բանդերայի գաղափարական հետևորդների կողմից՝ ճնշելու թերակղզու բնակիչներին, ովքեր չէին ցանկանում դավաճանել իրենց արժեքները, մշակույթը, պատմությունը և իրենց նախնիների դարավոր ավանդույթները»,- ասել է Լավրովը։ 

«Կիևի նեոնացիստների հետագա գործողությունները՝ պատժամիջոցները, էլեկտրահաղորդման գծերի խափանումը, տրանսպորտը, էներգետիկական և ջրային շրջափակումները միայն ամրապնդեցին հանրապետության բնակիչների վստահությունը իրենց ընտրության ճշմարտացիության նկատմամբ»,- ասել է Լավրովը։

ՌԴ ԱԳ նախարարը հայտարարել է, որ վերջին տարիներին Ղրիմը կարողացել է հաղթահարել Ուկրաինայից «ժառանգած» բազմաթիվ խնդիրներ և իրականացնել բազմաթիվ լայնածավալ սոցիալական և ենթակառուցվածքային նախագծեր։

«Ղրիմում խստորեն պահպանվում են բոլոր քաղաքացիների իրավունքները՝ առանց բացառության, անկախ ազգությունից և լեզվից, և հանրապետության բնակիչները կարող են ապագային նայել վստահությամբ և լավատեսությամբ»,-հավելել է Լավրովը։

Այս թեմայով Կրասնոդարի երկրամասի և Ղրիմի թերակղզու վրա 68  ԱԹՍ է խոցվել Ի՞նչ եղավ «Ազգային հպարտության հանրային տրիբունալի» հարցը. Արշակ Կարապետյանը հետևողական կլինի՞. «Փաստ» Աղդամցի Ալենի պատվի և արժանապատվության կորսված լինելու հարցը դեռևս օդում կախված է. Աննա Մկրտչյան (տեսանյութ) Քննարկվել է Հայկական ԱԷԿ-ի երկրորդ էներգաբլոկի շահագործման երկարաձգման հարցը. ՏԿԵՆ Ռուսաստանի և ՆԱՏՕ-ի միջև բախումն անթույլատրելի է. Շոլց Ռուսաստանը հարցում կուղարկի Ալեն Սիմոնյանի՝ Ռուսաստանի Դաշնության հասցեին հնչեցրած մեղադրանքների վերաբերյալ Այս օրակարգով 4 գյուղերի հարցը փակված է, խնդիրը Երևանում է, այստեղից է պետք սկսել. Էդմոն Մարուքյան Ուկրաինայից հետո Արևմուտքը փորձում է ապակայունացնել իրավիճակը Հարավային Կովկասը․ ՌԴ ԱԳՆ ՈՒՂԻՂ․ Բազմաթիվ քաղաքացիներ փակել են Երևան-Սևան մայրուղին Սևանի թերակղզու հատվածում Ինչպես է անցել գիշերը Կիրանցի փակված ճանապարհին (տեսանյութ)