«Հաշմանդամություն եւ ներառում» թեմայով աշխատաժողով ՀՀ ԱԺ աշխատակազմի համար

ՀՀ Ազգային ժողովի աշխատակազմի եւ Կանադական խորհրդարանական կենտրոնի հետ համագործակցության շրջանակում մարտի 16-ին եւ 17-ին տեղի է ունեցել «Հաշմանդամություն եւ ներառում» թեմայով աշխատաժողով:

ՀՀ ԱԺ աշխատակազմի ղեկավար-գլխավոր քարտուղար Դավիթ Առաքելյանը, ողջունելով աշխատաժողովի մասնակիցներին, նշել է, որ առաջիկա տարիներին ներառականությունը գտնվելու է ԱԺ աշխատակազմի ուշադրության կենտրոնում: Նա շնորհակալություն է հայտնել Կանադական խորհրդարանական կենտրոնին աջակցելու համար՝ ընդգծելով քաղհասարակության եւ ԱԺ աշխատակազմի միջեւ համագործակցության հարթակ ստեղծելու կարեւորությունը:

Ազգային ժողովի աշխատակազմը վերջին երկու տարիներին ակտիվ համագործակցում է քաղհասարակության հետ: Դեռեւս 2022 թվականին առաջին անգամ ԱԺ աշխատակազմը նախաձեռնել էր կլոր-սեղան քննարկում ներառականության հարցերով զբաղվող հասարակական կազմակերպությունների հետ: «Համագործակցության արդյունքում այս տարի առաջին անգամ բյուջետային հատկացումների մեջ կա նաեւ ներառականության ապահովման իրականացում բյուջետային միջոցների հաշվին: ԱԺ դերի բարձրացման շրջանակում ունենք հատկացված որոշակի գումար՝ խելամիտ հարմարեցումներ ձեռք բերելու համար: Հաջորդ տարիներին էլ նախատեսում ենք քաղհասարակության գործընկերների հետ իրականացնել միջոցառումներ շենքային պայմանները բարելավելու ուղղությամբ, որպեսզի խորհրդարանի շենքը դառնա ավելի ներառական եւ մատչելի»,- ասել է ԱԺ աշխատակազմի ղեկավարի տեղակալ Հեղինե Խաչիկյանը՝ հավելելով, որ նախատեսվում է ներառական դարձնել թե՛ շենքային պայմանները, թե՛ մատուցվող ծառայությունները, ինչպես նաեւ դիտարկվելու են ԱԺ աշխատակազմի իրավական ակտերի համապատասխան փոփոխությունները ներառականության տեսանկյունից:

«Ժողովրդավարական երկրներում ձգտում են, որպեսզի հանրային հատվածում մատուցվող ծառայությունները հավասարապես մատչելի լինեն հասարակության բոլոր խավերի համար»,- ասել է Կանադայի խորհրդարանական կենտրոնի «Աջակցություն Հայաստանի խորհրդարանին» ծրագրի տեղական համակարգող Հովհաննես Մարգարյանցը: Նա տեղեկացրել է, որ Ազգային ժողովի աշխատակազմի հետ համագործակցության առանցքային ուղղություններից է աշխատակազմի ինստիտուցիոնալ ու մասնագիտական կարողությունների զարգացումը, գենդերազգայուն, ներառական, կորպորատիվ ռազմավարության եւ գործառնական պլանի մշակումն ու իրականացումը: Մասնավորապես, ԱԺ աշխատակազմի հետ իրականացվել է խորհրդարանական գործունեության ոլորտում կանանց, երիտասարդների եւ հաշմանդամություն ունեցող անձանց ներգրավվածության ուղղությամբ միջազգային փորձի ուսումնասիրություն: «ԱԺ աշխատակազմը ներառականության ոլորտի հասարակական կազմակերպությունների համագործակցության հարթակ է ստեղծել: Հայաստանի հանրային հատվածում առանձնահատուկ դեպքերից է, երբ կառույցը ոլորտում նման ողջունելի քայլ է կատարում»,- փաստել է Հովհաննես Մարգարյանցը:

Ներառական իրավական բարեփոխումների կոալիցիայի անդամներն աշխատակազմին ներկայացրել են իրենց ծրագրերը, կատարած աշխատանքները՝ կազմակերպելով քննարկումներ հաշմանդամության ճանաչման մոդելների, խտրականությանը, ֆիզիկական, հոգեսոցիալական հաշմանդամություն ունեցող անձանց հետ ճիշտ հաղորդակցությանը վերաբերող թեմաներով:

Ներառական իրավական բարեփոխումների կոալիցիան հաշմանդամություն ունեցող անձանց իրավունքների պաշտպանությամբ զբաղվող կազմակերպությունների եւ անհատների ոչ ֆորմալ միություն է, որի նպատակն է նպաստել հաշմանդամություն ունեցող անձանց իրավունքների պաշտպանությանը՝ հանրային իրազեկման միջոցով:

Ըստ կոալիցիայի անդամների՝ ծրագրերի հաջող իրագործման համար, բացի իրավական հենքից, անհրաժեշտ է նաեւ աշխատել համայնքային կոնկրետ հատվածների հետ:

Ներառական իրավական բարեփոխումների կոալիցիայի համակարգող Սիփան Ասատրյանի խոսքով աշխատաժողովի նպատակն է ԱԺ աշխատակազմին իրազեկել հաշմանդամություն ունեցող անձանց իրավունքների, հաշմանդամություն ունեցող անձանց հետ հաղորդակցվելու էթիկայիվերաբերյալ:

Մասնակիցների հավաստմամբ նմանատիպ աշխատաժողովները, քննարկումները լինելու են շարունակական՝ ի նպաստ մատուցվող ծառայությունների ներառականության:

Այս թեմայով Արևմուտքի համար Հայաստանը, ինչպես Ուկրաինան, ընդամենը մանրադրամ են ընդդեմ ՌԴ-ի և Իրանի․ Հայկ Բաբուխանյան (տեսանյութ) Ես ամաչում եմ իմ այն գործընկերների համար, որոնք արդարացնում են Արցախի հայերի ցեղասպանությունը (տեսանյութ) Երբ մենք մենակ ենք շփվում, և ոչ ոք իրավիճակը չի օգտագործում քաղաքական ամբիցիաների համար, կարողանում ենք համաձայնության գալ. Ալիև 2026-ից սկսած դպրոցի ավարտական քննությունները կհանդիսանան նաև բուհի համար ընդունելության քննություններ. նախագիծ Իշխանությունն ունի արտաքին սատարում, դրա համար էլ չի հաջողվում հեռացնել. Սերժ Սարգսյան «Նահանջել չկա». Սուրեն Պետրոսյանը խնդրել է տավուշցիներին փոխանցել` իր ժամանակավոր մեկուսացումը չի կարող կասեցնել հայրենիքի համար մղվող պայքարը Անահիտ Մանասյանը ՄԻՊ աշխատակազմի հետ ապրիլի 24-ին այցելել է Ծիծեռնակաբերդի հուշահամալիր Նոյեմբերյանում ճանապարհը փակելու համար 5 անձ ձերբակալվել է Անցյալի ճանաչումն ու անպատժելիության դեմ պայքարը վճռորոշ նշանակություն ունեն նոր ցեղասպանությունները կանխարգելելու համար․ ՀՀ նախագահ Իշխանության՝ խնդիրները լսելու կամքը բավարար չէ դրանք լուծելու համար, բռնություններ չպիտի լինեն․ ՄԻՊ