Լեհաստանի ԱԳՆ-ն հաստատել է Ուկրաինայում արևմտյան զինվորականների ներկայությունը
Мир![Լեհաստանի ԱԳՆ-ն հաստատել է Ուկրաինայում արևմտյան զինվորականների ներկայությունը](/timthumb.php?src=disc/20-03-24/a1b0147588e364fada8a0cb43b4ab386.jpg&w=780)
Լեհաստանի արտգործնախարար Ռադոսլավ Սիկորսկին գերմանական DPA լրատվական գործակալությանը տված հարցազրույցում հաստատել է, որ Ուկրաինայում արևմտյան զինվորականներ կան՝ նրանց ներկայությունն այնտեղ անվանելով «բաց գաղտնիք»։ Այս մասին հայտնում է «ՌԻԱ Նովոստին»։
«Ինչպես ասաց ձեր կանցլերը (Օլաֆ Շոլցը - խմբ.), մեծ երկրների զորքերն արդեն գտնվում են Ուկրաինայում», - ասել է Սիկորսկին:
«Լեհերենում կա բաց գաղտնիք տերմին, որը նկարագրում է գաղտնիք, որը բոլորը գիտեն», - պատասխանել է նախարարն այն հարցին, թե արդյոք խնդիր է, որ Շոլցը խոսում է Ուկրաինայում արևմտյան ռազմական ուժերի ներկայության մասին։
Ընդ որում, Սիկորսկին կրկին հայտարարել է, որ Լեհաստանը մտադիր չէ ցամաքային զորքեր ուղարկել Ուկրաինա։ «Ուկրաինան և Լեհաստանը 400 տարի մեկ երկիր են եղել, և դա (զորքեր ուղարկելը - խմբ.) ռուսների համար հիանալի քարոզչական սնունդ կծառայեր, հետևաբար, մենք պետք է վերջինը լինենք, որ դա կանի»,- հավելել է նախարարը։
![](banners/armflix.jpg)