Բնակարանային գողություն Մարալիկում. Անիի ոստիկանների բացահայտումը

Հունվարի 21-ի գիշերը մի քաղաքացի բնակարանային գողության վերաբերյալ հաղորդում տվեց ոստիկանության Անիի բաժնում: Մարալիկի Նոր թաղամասի բնակիչը հայտնեց, որ նախորդ ցերեկը տանը չի եղել, վերադարձել է կեսգիշերին մոտ և նկատել, որ տեխնիկական միջոցներով բացել են ննջարանի պատուհանը և գողացել ոսկյա զարդեր ու գումար: Պատճառված վնասը 840 հազար դրամի էր:
Բաժնի օպերատիվ խումբը մեկնեց դեպքի վայր: Արթիկի և Անիի քննչական բաժնում նախաձեռնվեց քրեական վարույթ, իրականացվեցին անհետաձգելի գործողություններ: Պարզվեց, որ զարդերից ու փողից բացի գողացել են նաև դոլարի և ռուբլու հուշանվեր թղթադրամներ:

Անիի քրեական հետախույզների օպերատիվ-հետախուզական միջոցառումներն արագ հաջողություն չապահովեցին այն պատճառով, որ հանցագործությունը նախօրոք մանրակրկիտ ծրագրված էր, հաշվարկած էր ամեն մի մանրուք: Այս ամենը հիմնավորվեց ավելի ուշ, երբ իրավապահների պրոֆեսիոնալիզմն ու հետևողականությունն արդյունք տվին: Ուրվագծվեց հանցագործության պատկերը, ձեռք բերվեցին ապացույցներ:

Ըստ տեղեկության` կատարվել էր հետևյալը: Մարալիկի Երիտասարդական փողոցի բնակիչ 44-ամյա տղամարդը, ճշտելով, որ վերոհիշյալ տանն այդ օրը մարդ չի լինելու, երևանցի երեք տղամարդկանց կանչում է Մարալիկ: Հունվարի 20-ին, երեկոյան ժամը 9-ին, 33, 36 և 31 տարեկան տղամարդիկ հասնում են Մարալիկ: Հրավիրողը նրանց դիմավորում է, իր մեքենայով տանում-մատնացույց է անում թիրախ ընտրած տունը և հեռանում: Ու մինչ երկու երևանցին, մեկը մեքենայում, մյուսը` տան մոտ սպասում ու հսկում են, 36-ամյա տղամարդը պատուհանը բացում ու կատարում է գողությունը:

Սրանից անմիջապես հետո երևանցիներն իրենց մեքենայով մեկնում են մայրաքաղաք:
Այս ամենը պարզելուց հետո մարտի 4-ին կասկածյալներին բռնելու նպատակով Անիի բաժնի քրեական հետախույզներն ու համայնքային ոստիկանները մեկնեցին Երևան:

Երեք կասկածյալն էլ հայտնաբերվեցին, ձերբակալվեցին, տեղափոխվեցին բաժին ու ներկայացվեցին նախաքննական մարմին: Նրանք խոստովանեցին արարքը, նաև հավելեցին, որ զարդերը 300 հազար դրամով վաճառել են անհայտ անձի, իսկ Երևանի ճանապարհին նկատելով, որ դոլարն ու ռուբլին հուշանվեր են` նետել են:
Մնում էր գտնել հանցագործությունը կազմակերպած մարալիկցի տղամարդուն, որը թաքնվում էր քննությունից: Այստեղ էլ գործի դրվեց բացատրական աշխատանքի միջոցը, և մարտի 15-ին 44-ամյա տղամարդը ներկայացավ ոստիկանության Անիի բաժին:

Նույն օրը, դատարանի որոշմամբ, նրա նկատմամբ խափանման միջոց ընտրվեց կալանքը, նա տեղափոխվեց քրեակատարողական հիմնարկ:
Նախաքննությունը շարունակվում է, դեպքի հանգամանքները պարզվում են:

Այս թեմայով Քաշքշուկ Հրազդանում ճանապարհ փակած քաղաքացիների և ոստիկանների միջև (տեսանյութ) ԱՄՆ պետքարտուղարության տարեկան զեկույցում ներառվել է Լեւոն Քոչարյանի նկատմամբ ոստիկանների բռնության դեպքը Միզող ոստիկանների պատմությունը ծանր հանցանքից շուտով կդառնա անեկդոտ, այնուհետև կմոռացվի. փաստաբան Թոշակ չեն ավելացնում, բայց ոստիկանների աշխատավարձը նորից բարձրացնում են. «Փաստ» Արցախի Մարտակերտի շրջանի ոստիկանության բաժնի պետը կասկածվում են անձնական ունեցվածքի գողություն կատարելու մեջ Հայտնաբերվել է 36 կգ ոսկի ու մի քանի մլրդ դրամ գողություն կատարող կասկածյալներից մեկը «Հատուկ» օպերացիա (տեսանյութ) Փոխվարչապետը նոր մանրամասներ ներկայացրեց ԼՂ-ից բռնի տեղահանվածների բնակարանային ապահովման ծրագրից Շիրակի մարզպետի գլխավորությամբ Մարալիկում տեղի է ունեցել մարզխորհրդի արտագնա նիստը Բնակարանային գողությունը Արաբկիրի բաժնի ոստիկանները բացահայտեցին թարմ հետքերով