Աննա Հակոբյանը դիտել է «Արշակ Բ» օպերայի առաջնախաղը իտալերեն բնօրինակով

ՀՀ վարչապետի տիկին Աննա Հակոբյանը Ա. Սպենդիարյանի անվան օպերայի և բալետի ազգային ակադեմիական թատրոնում դիտել է Տիգրան Չուխաջյանի «Արշակ Բ» օպերայի բեմադրության բնօրինակի առաջնախաղը:

Միջոցառմանը ներկա են եղել գլխավոր դատախազ Աննա Վարդապետյանը, ՀՀ ԱԺ նախագահի կինը` Մարիամ Մարգարյանը, ԿԳՄՍ նախարարի տեղակալ Դանիել Դանիելյանը:

Մինչև բեմադրության մեկնարկը փոխնախարար Դանիելյանը և հայտնի իմպրեսարիո Էտորե Վալանտիերին, որը մասնակցել է «Արշակ Բ» օպերայի կազմակերպման աշխատանքներին, ներկայացրել են կատարված աշխատանքը և ընդգծել բեմադրության բացառիկությունը:

«Արշակ Բ»-ն Տիգրան Չուխաջյանի առաջին օպերան է, որի աշխատանքները հայ մեծանուն կոմպոզիտորն ավարտել է 1868 թվականին: Այն առաջին անգամ ամբողջությամբ ներկայացվել է իտալերեն բնօրինակով՝ Ա. Սպենդիարյանի անվան օպերայի և բալետի ազգային ակադեմիական թատրոնի արտիստների, երգչախմբի և նվագախմբի կատարմամբ:

Ներկայացման երաժշտական ղեկավարը և դիրիժորը Դոնատո Ռենցետտին է, բեմադրող ռեժիսորը` Ժան Ռոման Վեսպերինին:

Իտալերենը համարվում է օպերային ժանրի լեզուն: Բնօրինակ տեքստերի վերականգնման, վերստեղծման աշխատանքները կատարել է կոմպոզիտոր, երաժշտագետ Ջոն Սարգսյանը: Այս նախաձեռնությունը բացառիկ հնարավորություն է «Արշակ Բ» օպերան նաև արտերկրի հանդիսատեսին ներկայացնելու, այն աշխարհում հայտնի դարձնելու համար:

Տիգրան Չուխաջյանի «Արշակ Բ» օպերան բեմադրվել է ԿԳՄՍ նախարարության ֆինանսական աջակցությամբ:

Այս թեմայով Ի՞նչ է ուզում ԱԺԲ-ն. Փաշինյանի ամերիկյան տերերը դժգո՞հ են նրանից. «Հրապարակ» Ի՞նչ եղավ «Ազգային հպարտության հանրային տրիբունալի» հարցը. Արշակ Կարապետյանը հետևողական կլինի՞. «Փաստ» Այսօրվա իշխանություններն արտաքին սպառնալիքներին դիմակայելու իրենց ողջ ռեսուրսը սպառել են․ Արշակ Սրբազան (տեսանյութ) Աղդամցի Ալենի պատվի և արժանապատվության կորսված լինելու հարցը դեռևս օդում կախված է. Աննա Մկրտչյան (տեսանյութ) «Ծիծեռնակաբերդ»-ում Աննա Հակոբյանի և դստեր դեպքով քննչականում քրեական վարույթ է նախաձեռնվել․ կան ձերբակալվածներ «Ժողովուրդ». Աննա Հակոբյանը քաղաքական նպատակով էր Գյումրիում. թեմի առաջնորդը «վտանգ» է համարվում Աննա Հակոբյանը Գյումրի կատարած այցից լուսանկարներ է հրապարակել Աննա Հակոբյանը գնացքով գնում է Գյումրի Ինչպես է Աննա Հակոբյանն արձագանքում լրագրողի՝ Արցախի մասին հարցին (տեսանյութ) Մեծ քաղաքականությունն ու փոքրիկ Արփի Փաշինյանը