Նախկին «էկոակտիվիստների» քար լռությունը՝ Երևանում ծառերի սպանդի վերաբերյալ. մե՞նք չենք տերը մեր քաղաքի

Այս օրերին մա­յրա­քա­ղա­քում ըն­թա­նում է ծա­ռե­րի իս­կա­կան սպանդ: Բնա­կա­նա­բար, իշ­խա­նա­մերձ «բնա­պահ­պան­նե­րի» մի­ան­գա­մայն խրա­խու­սա­կան հա­յացք­նե­րի ներ­քո: Այն նույն «բնա­պահ­պան­նե­րի», ո­րոնք ժա­մա­նա­կին ոհ­մա­կով հար­ձակ­վել է­ին նախ­կին քա­ղա­քա­պետ Տա­րոն Մար­գա­րյա­նի վրա, երբ պետք էր մարդ­կանց հա­մար կրպակ կա­ռու­ցե­լու նպա­տա­կով եր­կու-երեք ծառ կտրել: Քաղաքապետարանից, բնականաբար, արձագանքում են, որ իրենց քայլերն ուղղված են կենսունակությունը կորցրած ծառերը նորերով փոխարինելուն և հավելում են, որ, ընդհանուր առմամբ, գարնանը Թումանյան փողոցում  փոխարինվելու նպատակով հատվելու է շուրջ 160 ծառ, դրանք փոխարինվելու են 200 ծառով:

Ինչպես նշեցինք, բնության հանդեպ այս վանդալիզմն ուղեկցվում է նախկին բնապահպան ակտիվիստների, իսկ այժմ՝ մարդա մեկ պաշտոն ստացած ՔՊ-ականների համակ լռությամբ: Օրինակ, Լենա Նազարյանը, զբաղեցնելով իշխանական պատգամավորի աթոռը, մոռացել է այն մասին, որ ժամանակին ինքն էլ էր պայքարում բնապահպանական խնդիրների լուծման, օրինակ՝ Ամուլսարը հանք չդարձնելու համար, մասնակցում մի շարք ակցիաների, օրինակ՝ «Թեղուտ. Հանք, թե կյանք» ակցիաների, Մաշտոցի պողոտայի հայտնի ակցիաներին:

Երևանի ավագանու նախկին անդամ, Երևանի քաղաքապետի նախկին տեղակալ Գայանե Մելքոմ Մելքոմյանը ժամանակին դուրս չէր գալիս Մաշտոցի պողոտայից՝ պայքարելով ծառերի հատման դեմ: 

Գործող ԱԽ քարտուղար Արմեն Գրիգորյանին ժամանակին նույնպես հետաքրքրում էին բնապահպանական խնդիրները և այն, թե ինչպես է պակասելու երևանցիների թթվածինը՝ ծառերի սպանդից հետո: Ահա նա նկարում՝ ձախից:

Նախկին պատգամավոր Արթուր Մանուկյանը, ում այնուհետև գործուղեցին ՀՌՀ, Մաշտոցի պուրակի ակտիվիստներից էր և նույնպես պայքարում էր ծառերի սպանդի դեմ:

Հարց է առաջանում՝ ո՞ւր մնաց այս մարդկանց սկզբունքայնությունը, ինչո՞ւ նրանք այսօր նույն ջանասիրությամբ չեն հավաքվում և չեն գոռում՝ «Տիգրան, սիրուն չի», ինչպես ժամանակին վանկարկում էին Մաշտոցի պողոտայում։ Ստացվում է, որ այն ժամանակ նրանց պայքարը ոչ թե բնապահպանական խնդիրների լուծման, երևանցիների շահերը պաշտպանելու, այլ որոշակի քաղաքական խմբերի շահերը սպասարկելու նպատակ էր հետապնդում:

Այս թեմայով Տանը խելոք չենք նստելու ու մորթվենք, զենքերը վայր դնել պետք չէ, պայքար է պետք. բողոքի ակցիա (տեսանյութ) Ադրբեջանից գազ գնելը չենք բացառում, օրակարգում նման խնդիր չկա, տեսական հարց է․ ՔՊ պատգամավոր (տեսանյութ) Երևանում շարունակվում են անհնազանդության ակցիաները, փակ է Շիրակի փողոցը 2020թ․ Երևանում տեղի ունեցած զանգվածային անկարգություններին մասնակցած ևս երկու անձի վերաբերյալ քրեական վարույթով նախաքննությունն ավարտվել է ՀԻՄԱ․ անհնազանդության ակցիաներ Երևանում ու մարզերում Հակակոռուպցիոն դատարանում կհրապարակվի Վանաձորում ընտրված համայնքապետ Մամիկոն Ասլանյանի կալանքի վերաբերյալ որոշումը Մենք հեղափոխություն չենք անում, վարչապետ չենք փոխում, բայց թուրքին մի բերեք մեր տան մեջ. ակցիա Մենք Հայաստանի Հանրապետությունից ոչ մի տարածք էլ չենք տալիս. Տավուշի ոստիկանապետը կրկնում է ՔՊ-ին Երևանում և Նոյեմբերյանում բողոքի ակցիայի 29 մասնակից է բերման ենթարկվել Երբեք չէի կարող պատկերացնել, որ ես փողոց կփակեմ. պետք է պարտադրենք իշխանություններին հեռանալ. ՀՀԿ-ական նախկին պատգամավոր Ռուբեն Հակոբյան