ՔՊ-ական պաշտոնյաների արտոնյալ ԽԾԲ-ն. Անահիտ Ավանեսյան

Շարունակելով ներկայացնել այն պաշտոնյաներին, ում ազգականները, ընկերները և ծանոթները հեղափոխությունից հետո պաշտոնների են նշանակվել կամ օգտվում են արտոնյալ լինելու իրենց կարգավիճակից, այսօր կանդրադառնանք առողջապահության նախարար Անահիտ Ավանեսյանին:

Դիցուք՝ հեղափոխությունից հետո  Նիկոլ Փաշինյանի որոշմամբ՝ Լուսինե Քոչարյանը նշանակվել էր առողջապահության նախարարության գլխավոր քարտուղար։ Համաձայն մամուլում առկա տեղեկությունների՝ վերջինիս հովանավորյալը հանդիսացել էր  ՀՀ առողջապահության նախարարի տեղակալ Լենա Նանուշյանը, իսկ Լուսինե Քոչարյանը եղել է ԱՆ բժշկական քաղաքականության վարչության պետ, ապա աշխատակազմի ղեկավար, հետո էլ մրցույթով նշանակվել է որպես առողջապահության նախարարության գլխավոր քարտուղար։ Սակայն, Անահիտ Ավանեսյանի նախարար նշանակվելուց հետո Նանուշյանի կադրը հեռացավ զբաղեցրած պաշտոնից և այդ պաշտոնում նշանակվեց արդեն Անահիտ Ավանեսյանի ընկերուհին՝ Վարդուհի Գրիգորյանը: Վերջերս նաև լուրեր էին շրջանառվում, որ նախարար Անահիտ Ավանեսյանը պատրաստվում է նախարարի տեղակալի թափուր պաշտոնին նշանակել իր ընկերուհուն՝ առողջապահության նախարարության գլխավոր քարտուղար Վարդուհի Գրիգորյանին։

Արտոնյալ է նաև Ավանեսյանի ամուսինը: 2022-ին կառավարությունը որոշում կայացրեց «ԻԲԱՐԻ» ՍՊԸ-ին ազատել մաքսատուրքից։ Ըստ նախագծի՝ ընկերությունը Երեւանում եւ Աշտարակում մեղրի, ջեմերի, մուրաբաների, նռան գինու արտադրության համար ներմուծվող տեխնոլոգիական սարքավորումների, հումքի եւ նյութերի ներմուծման մաքսատուրքից ազատվում է։ «ԻԲԱՐՒ» ՍՊԸ-ն հիմնադրվել է 2017-ին, որի հիմնադիրներից է առողջապահության նախարար Անահիտ Ավանեսյանի ամուսինը՝ Ստեփան Ավանեսյանը։

Պետական առողջապահական գործակալության ներկայիս ղեկավար Ահարոն Բարսեղյանը նախարարի և նրա մերձավորներից մեկի՝ իր ընտանիքին պատկանող Արֆարմացիայի և Ուիգմորների նախկին ֆինանսիստն է:

Անահիտ Ավանեսյանը չի անտեսել նաև նախկին փոխնախարար Արսեն Դավթյանի տիկնոջը՝ Հայկուհի Մակարյանին, ում նշանակել է «Առողջապահական և ֆինանսական ցուցանիշների ծրագրավորման, հոսքերի կառավարման և վերլուծության բաժնի» պետ: Նրա գործառույթն է՝ բժշկական կազմակերպություններին պետական պատվերի շրջանակում ֆինանսների բաշխման, վերաբաշխման կազմակերպումը:

Այս թեմայով «Կրեմլի շպիոնները դավեր են նյութում»․ Անահիտ Սարդարյանի և Նարեկ Մարգարյանի հումորային հոլովակը (տեսանյութ) Անահիտ Մանասյանը ՄԻՊ աշխատակազմի հետ ապրիլի 24-ին այցելել է Ծիծեռնակաբերդի հուշահամալիր Անահիտ Մանասյանն ընդունել է Եվրոպայի խորհրդի պատվիրակությանը ՄԻՊ-ը կգնա ԱԱԾ մեկուսարան՝ Դավիթ Տոնոյանի հետ հանդիպելու «Ժողովուրդ». Հերթն Անահիտ Ավանեսյանինն է Անահիտ Մանասյանը շնորհավորել է Հայաստանում եզդիական համայնքին Նոր տարվա առթիվ Անահիտ Մանասյանը հանդիպումներ է ունեցել Տավուշի մարզի մի շարք բնակավայրերի բնակիչների հետ Անահիտ Ավանեսյանը սաբոտաժի է ենթարկում Փաշինյանի ծրագիրը Անահիտ Ավանեսյանը ներկայացրեց բժշկական կենտրոնների կառուցման ծրագրերի ընթացքը Անահիտ Մանասյանը ընդունել է Միրոսլավ Պապային