Մահացել է աշխարհի ամենատարեց տղամարդը

115 տարեկանում մահացել է աշխարհի ամենատարեց տղամարդը` Վենեսուելայի բնակիչ Խուան Վիսենտե Պերես Մորան։ Այս մասին հայտարարել է երկրի նախագահ Նիկոլաս Մադուրոն, փոխանցում են միջազգային ԶԼՄ-ները։

«Մահացել է Խուան Վիսենտե Պերես Մորան, ով գրանցվել է Գինեսի ռեկորդների գրքում` որպես աշխարհի ամենատարեց տղամարդ: Իմ ցավակցությունն եմ հայտնում Էլ Կոբրե քաղաքի բոլոր բնակիչներին»,- գրել է Մադուրոն X-ում:

Պերես Մորան մահացել է 114 տարեկան և 339 օրական հասակում՝ 115-ամյակից կարճ ժամանակ առաջ՝ շնչառական բարդությունների պատճառով, հայտնում է El Nacional թերթը։ 2022 թվականի փետրվարի 4-ին նա գրանցվել է Գինեսի համաշխարհային ռեկորդների գրքում՝ որպես աշխարհի ամենատարեց տղամարդ՝ 112 տարեկան 253 օրական՝ շրջանցելով իսպանացի Սատուրնինո դե լա Ֆուենտե Գարսիային, ով մահացել է 112 տարեկանում։

Պերես Մորան իր երկարակեցությունը վերագրել է «անընդհատ աշխատանքին, լավ հանգստին, վաղ քնելուն և ամենօրյա մեկ բաժակ կոնյակին»: Միաժամանակ, թերթը նշում է, որ տղամարդը լավ է սնվել, աղոթել է, շատ ջուր է խմել ու վաղ է քնել։

Պերես Մորան ծնվել է 1909 թվականի մայիսի 27-ին՝ Վենեսուելայի Էլ Կոբրում։ Նա 10 երեխաներից 9-րդն է։ Ամենաերկարակյաց տղամարդը 11 երեխա ունի։ Ինչպես նշում է թերթը, Պերես Մորան վերջերս ապրում էր Սան Խոսե դե Բոլիվարի ֆերմայում։

Այս թեմայով Շինհրապարակում բազալտե քարը ընկել է 26-ամյա բանվորի գլխին, ինչի հետևանքով նա հիվանդանոցում մահացել է Բրազիլիայում 39 մարդ է մահացել վերջին 80 տարվա ամենասարսափելի ջրհեղեղներից հետո (տեսանյութ) Աշխարհի 12 հայկական ուսանողական և երիտասարդական միություն ողջունել է Տավուշում ձևավորված շարժումը Աշխարհի ամենամեծ՝ Binance կրիպտոբորսայի հիմնադիրը դատապարտվել է ազատազրկման Արմավիրում «Ford»-ը վրաերթի է ենթարկել 20-ամյա հետիոտնին. վերջինը հիվանդանոցում մահացել է Առեղծվածային դեպք՝ Երևանում․ 11-ամյա աշակերտուհին տեղափոխվել է «Աստղիկ» ԲԿ, որտեղ էլ մահացել է Երևանում «Բարդիներ» ռեստորանից տեղափոխված, հրազենային վնասվածքով տղամարդ է մահացել Շախմատիստ Լիլիթ Մկրտչյանն իրավունք է ստացել մասնակցելու աշխարհի գավաթին Արագածոտնում տղամարդը հրազենով նախ սպшնել է իր շանը, ապա ինքնասպшն եղել Թաիլանդում կկառուցվի աշխարհի ամենաբարձր շենքը