«Այսպիսի մարդիկ Հայաստանը տանում են փակուղի». Զախարովան՝ Արարատ Միրզոյանի հայտարարության մասին

180 աստիճանի շրջադարձն արտացոլում է Հայաստանի ներկայիս իշխանությունների ցանկությունը՝ զոհաբերել Ռուսաստանի Դաշնության և այլ մերձավոր դաշնակիցների ու գործընկերների հետ կապերի ողջ զանգվածը՝ հանուն այն ժամանակավոր բոնուսների, որոնցով Երևանը հրապուրվեց Եվրամիության և Միացյալ Նահանգների կողմից: Այս մասին ապրիլի 3-ին ամենշաբաթյա ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

Պատասխանելով ՀՀ ԱԳ նախարար Արարատ Միրզոյանի այն հայտարարությանը, թե Մոսկվան և Երևանը խոսում են տարբեր լեզուներով, իսկ ԵՄ-ն ու ԱՄՆ-ն դարձել են հիմնական գործընկերները, Զախարովան խոստովանեց. «Ես կուզենայի ծաղրել, բայց դա չարժե անել։ Ոչ այն պատճառով, որ չեմ կարող: Ես կարող էի դա անել: Այլ որովհետեւ նման մարդիկ Հայաստանը փակուղի են տանում»։

Նշելով, որ խոսքը Արարատ Միրզոյանի՝ արգենտինական պարբերականին տված հարցազրույցի մասին է, Զախարովան նշել է, որ նա ուղղակիորեն պատասխանում է Ռուսաստանի հետ դիվանագիտական ​​հարաբերությունները խզելու հնարավորության մասին հարցին և ասել է, որ չի կարող կանխատեսել ապագան։ «Տարօրինակ է, սովորաբար իշխանության ղեկին գտնվող քաղաքական գործիչները ոչ միայն կանխատեսում են ապագան, այլ նրանք են այն ստեղծում: Նրանք կարող են կանխատեսել միտումները և ասել, որ ամեն ինչ կանեն, որպեսզի, օրինակ, բացասական սցենարը իրականություն չդառնա։ Ցավալի է լսել պարոն Միրզոյանի խոսքերը՝ հատկապես հաշվի առնելով այսօր նշվող մեր երկրների միջև դիվանագիտական ​​հարաբերությունների հաստատման տարեդարձը»,- հայտարարել է ՌԴ ԱԳՆ ներկայացուցիչը։

Նրա խոսքով` յուրաքանչյուրը կարող է արտահայտել իր տեսակետը. «Կարող են եւ գուցե պետք է արտահայտեն, բայց կան նաև երկու երկրների ժողովուրդներ։ Կան նաև երկու ժողովուրդների շահերը, որոնք այս դեպքում պետք է առաջնահերթ լինեն»,- ընդգծել է Զախարովան։

Նա նշել է, որ Միրզոյանի այն թեզը, թե Երևանի հիմնական գործընկերները հիմա Եվրամիությունն ու ԱՄՆ-ն են, կառուցված է նույն տրամաբանության վրա։ «Կարող եք հարցնել՝ «հիման» ե՞րբ է, 2024 թվականի մարտ-ապրի՞լը, իսկ առաջ ու հետո՞: Պատմությունն այդտեղ ավարտվո՞ւմ է: Չնայած այն հանգամանքին, որ Հայաստանը դաշնակցային հարաբերություններ ունի մեր երկրի հետ, այն ԵԱՏՄ, ՀԱՊԿ, ԱՊՀ անդամ է։ Ինչ վերաբերում է ԵԱՏՄ-ին և ԱՊՀ-ին, ապա Հայաստանը տնտեսական շահույթ է ստանում այդ փոխգործակցությունից։

Մինչև վերջերս Հայաստանի ղեկավարությունը ամենաբարձր մակարդակով հայտարարում էր, որ այդ կառույցները սկզբունքորեն կարևոր են Հայաստանի անվտանգության և տնտեսության զարգացման համար՝ կանխելով իր մեկուսացումը Հարավային Կովկասում: Դա արդեն մոռացվա՞ծ է: Ե՞րբ են նրանք խաբել՝ այն ժամանակ, թե՞ հիմա»,- հարցրել է Զախարովան՝ հիշեցնելով, որ այս ամենն արտացոլված է Հայաստանի և Ռուսաստանի ղեկավարների՝ 2022 թվականի ապրիլի 19-ի համատեղ հայտարարության մեջ։

Այս համատեղ հայտարարությունն այլևս չի՞ առնչվում Հայաստանի ԱԳՆ-ին, հարցրել է ՌԴ ԱԳՆ պաշտոնական ներկայացուցիչը։ «Ես կցանկանայի լսել պատասխանը. Ի՞նչ 180 աստիճանի շրջադարձ է սա: Ակնհայտ է, որ դա արտացոլում է Հայաստանի ներկայիս իշխանությունների ցանկությունը՝ զոհաբերել Ռուսաստանի Դաշնության և մյուս ամենամոտ դաշնակիցների ու գործընկերների հետ կապերի ողջ զանգվածը՝ հանուն այն ժամանակավոր բոնուսների, որոնցով Երևանը հրապուրվեց Եվրամիության և Միացյալ Նահանգների կողմից։ Բայց հարցն այն է, որ նրանք մեզ չեն դավաճանում, ոչ իրենց գործընկեր-դաշնակիցներին, դավաճանում են իրենց ժողովրդին, դա է խնդիրը»:

Այս թեմայով Ռուսաստանը երբեք չի միջամտի այլ երկրների գործերին․ Զախարովա Զախարովան արձագանքել է Ալեն Սիմոնյանի հայտարարություններին Զախարովան զգուշացրել է Լոնդոնին Այստեղ է՞լ է ՀԱՊԿ-ը մեղավոր. Զախարովա Մենք միշտ Հայոց ցեղասպանության ողբերգությունն ընդունել ենք` որպես մեր սեփական ցավը. Զախարովա Զախարովան գնահատել է ԱՄՆ ռազմական օգնությունն Ուկրաինային, Իսրայելին և Թայվանին ԼՂ-ի հայերը պետք է վերադարձի հնարավորություն ունենան՝ իրավունքների և անվտանգության ապահովմամբ. Զախարովա Արևմուտքը ոչնչացնում է ՀՀ-ում ազգային ամեն ինչ, հետո, խաղից կշտանալով, թողնելու է միայնակ. Զախարովա Խնդիրները պետք է լուծվեն Պուտին-Փաշինյան-Ալիև պայմանավորվածությունների շրջանակում. Զախարովա Երևանին և Բաքվին կոչ ենք անում նվազեցնել ռազմատենչ հռետորաբանությունը. Զախարովա