Լինելու են բոլոր մարզերում. ի՞նչ են քննարկում Արցախի պատգամավորները բռնի տեղահանված արցախցիների հետ. «Փաստ»

«Փաստ» օրաթերթը գրում է.

Ինչպես հայտնի է, անցած տարեվերջին Արցախի Հանրապետության ԱԺ «Արդարություն» խմբակցության պատգամավորների նախաձեռնությամբ ստեղծվեց «Արդարություն և վերադարձ» հայ ազգային և մշակութային արժեքների պահպանման ՀԿ: Կազմակերպության հիմնադիրները նշել էին, որ իրենց նպատակներն են՝ լսել և լսելի դարձնել արցախահայության ձայնը, «վեր հանել Հայաստանում բնակություն հաստատած՝ բռնի տեղահանված արցախցիների խնդիրները, քննարկել և ի մի բերել այն բոլոր հնարավոր տարբերակներն ու ուղիները, որոնք կարող են օգնել բոլորիս վերադառնալ Արցախ» և այլն:

Ի թիվս այլ ծրագրերի, ՀԿ անդամները սկսել են «Արցախի երիտասարդության որոշիչ ձայնը» ծրագիրը, որի շրջանակներում, «Փաստի» տեղեկություններով, նախատեսում են Հայաստանի բոլոր մարզերում հանդիպումներ ունենալ արցախցի մեր հայրենակիցների հետ՝ քննարկելու արցախցիներին անհանգստացնող հարցերը: Ուշագրավ է, որ շարքն սկսել են Սյունիքից, մասնավորաբար Կապանից: Այստեղ, ի մասնավորի, նշվել է, որ ՀԿ-ն արցախցու ձայնը լսելի է դարձնելու թե՛ ՀՀ իշխանություններին, թե՛ միջազգային կազմակերպություններին… Մեր ունեցած տեղեկություններով, հաջորդ «կանգառը» Շիրակի մարզն է: Ապրիլի 6-ին «Արդարություն և վերադարձ» ՀԿ ներկայացուցիչները բռնի տեղահանված արցախցիների հետ կհանդիպեն Գյումրիում:

Ի դեպ, հավելենք, որ ՀԿ նախագահը ԱՀ ԱԺ պատգամավոր Մետաքսե Հակոբյանն է, համահիմնադիրներից մեկը՝ ԱՀ ԱԺ «Արդարություն» խմբակցության ղեկավար Դավիթ Գալստյանը:

Այս թեմայով Բոլոր «գործակալների՛դ», «նարկոբարոնների՛դ» բարևներ. Սրբազանի գլխավորած քայլերթը հասավ Աբովյան (տեսանյութ) Երթին են միացել Արցախի թեմի հոգևորականները (տեսանյութ) Հույս ունենք, որ համերաշխություն է լինելու. արցախցի (տեսանյութ) Մեր վերջնանպատակը էս չարիքներից ազատվելն է, սրանից մաքուր ու ճիշտ առիթ չի լինելու. դերասան Այս պայքարը հայկական է. պիտի միանան զոհված զինծառայողների բոլոր պատվախնդիր ծնողները. տիկին Գոհար Մի սպասեք բոլորին ու մի հաշվեք, թե ինչքան մարդ կլինի, կարևորը դուք լինեք ու կտեսնեք, թե ձեր լինելով, ինչպես ենք դառնում բոլոր. Մարտիրոսյան Մենք կարող ենք գետի հունը փոխել ի շահ Հայաստանի, եթե բոլոր տարաձայնությունները մի կող դնենք եւ միավորվենք. «Երրորդ ուժ» Հորդորում ենք միանալ «Տավուշը հանուն Հայաստանի» շարժման երթին․ Արցախի թեմի կոչը Շտապօգնության բժիշկը 20-ամյա աղջկան ներարկում է կատարել, միացրել է կաթիլային, բռնի ուժով համբուրել ՔՊ-ական պատգամավորները Կիրանցի վերաբերյալ հարցերից նյարդայնանում են (տեսանյութ)