Փաստորեն Բլինքենը լավ չի կարողացել Ալիևին ասել «խելոք մնա», պետք է եղել, որ Ուրսուլան էլ զանգահարի. Բադալյան
Блогосфера
Քաղաքական վերլուծաբան Հակոբ Բադալյանը տելեգրամյան իր ալիքում գրում է․ «Ուրսուլա Ֆոն Դեր Լեյենը զանգահարել է Իլհամ Ալիեւին, ապրիլի 5-ի եռակողմ հայտնի հանդիպման շեմին:
Փաստորեն ստացվում է, որ Բլինքենը լավ չի կարողացել Ալիևին ասել «խելոք մնա», պետք է եղել, որ Ուրսուլան էլ զանգահարի:
Այս ամենն իհարկե կլիներ ծիծաղելի, եթե չլիներ այդքան մտահոգիչ, այն առումով, որ, ինչպես նշել եմ դեռ օրեր առաջ, Ադրբեջանը զանազան սադրիչ հայտարարություններով մի կողմից խաղում էր Իսրայելի օգտին՝ ընդդեմ Իրանի, մյուս կողմից ապահովում ապրիլի 5-ին իր «մասնակցությունը», պարզապես հեռակա:
Սա կարեւոր է հասկանալու համար, թե ինչ քաղաքական տրամաբանությամբ են առաջնորդվում ապրիլի 5-ի կազմակերպիչները: Դա նրանից չէ, որ նրանք վատն են: Նրանք աշխարհաքաղաքական կենտրոն են, չի լինում լավ աշխարհաքաղաքական կենտրոն: Բոլորը գնում են իրենց շահի հետեւից: Իսկ իրենց շահը ներկայումս հետեւյալն է՝ Կովկասում առավելագույնս թուլացնել Ռուսաստանի եւ Իրանի դիրքը, վաղ թե ուշ սպասվելիք ռազմավարական քննարկումներից առաջ: Իհարկե դրանց դեռ շատ կա, բայց ռուսների ու Իրանի դիրքեր թուլացնելն էլ հեշտ չէ»։
Самое популярное 
Архиепископ: Алиев с включенной в машине песней «Нолду Пашинян» разъезжает по Арцаху
