Սիմիդյանը «քաշեց». ՔՊ-ում կրքերը թեժանում են

2021 թվականի արտահերթ խորհրդարանական ընտրություններին ՔՊ-ն Նիկոլ Փաշինյանի գլխավորությամբ ներկայացրել էր 6 կետից կազմված ծրագիր, որի մի կետն էլ վերաբերվում էր շրջակա միջավայրի պահպանությանը: Այնուհետև ծրագրի այդ դրույթները տեղ գտան արդեն կառավարության 2021-2026 թվականների ծրագրում և Փաշինյանը հայտարարեց, որ անձամբ է հետևելու, որպեսզի բոլոր կետերը կատարվեն, ներում-բեկում էլ չի լինելու: Սակայն, փաստերի վերլուծությունը ցույց է տալիս, որ Շրջակա միջավայրի նախարար Հակոբ Սիմիդյանը քաշել է թե՛ Փաշինյանին, թե՛ ՔՊ ընտրած քաղաքացիներին:

Դիցուք՝ ծրագրով նախատեսվում էր ջրային ռեսուրսների արդյունավետ օգտագործման և որակի բարձրացման նպատակով կառավարման գերարդյունավետ համակարգերի ներդրում, մինչդեռ կառավարության նիստի ընթացքում ինքը՝ Փաշինյանն է փաստում, որ այս հարցում տոտալ ձախողում է եղել:

Կառավարության և ՔՊ պլաններում էր նաև Սևանա լճի էկոհամակարգային հավասարակշռության և կենսաբազմազանության պահպանումը, վերականգնումը, վերարտադրումը, բնականոն զարգացումն ու խելամիտ օգտագործումը Իրականությունը, սակայն, տրամագծորեն հակառակն է: Նախարար Սիմիդյանն ընդունում է, որ ձախողվել են նաև այս հարցում: 

Ահա ևս մեկ կետ այդ ծրագրից՝ կանաչ տնտեսության և կայուն զարգացման երկարաժամկետ նպատակի խթանմանն ուղղված քաղաքականության մշակումն ու իրականացումը: Սրան գումարենք այն, որ ՔՊ-ականները խոստանում էին թույլ չտալ Ամուլսարի հանքի շահագործումը, բայց արի ու տես, որ իրավիճակ է փոխվել, ընտրողներն էլ կրկին խաբված են:

Շաբաթներ առաջ մամուլը գրել էր, որ Սիմիդյանի և Փաշինյանի հարաբերությունները լարվել են: Կառավարության նիստի ժամանակ Փաշինյանը զայրացավ՝ նկատելով, որ սիգի ապօրինի որսը շարունակվում է:

Ինչպես տեսնում ենք՝ Փաշինյանին քաշած և ՔՊ նախընտրական և կառավարության ծրագրերը տապալած Սիմիդյանի գլխավերևում իսկապես սև ամպեր են կուտակվում:

Այս թեմայով «Եթե մնա Նիկոլը». քաղաքացիների իրազեկման ակցիան ամբողջ Հայաստանով մեկ Փաշինյանը կուսակիցների հետ քննարկել է կրթության ոլորտի բարեփոխումները՝ «Հայրենիքը պետությունն է» հայեցակարգի դիտանկյունից Պետությունը շոու բիզնեսի ներկայացուցիչներից պահանջում է եկամտային հարկ և այս քաղաքականությունը պետք է ընդլայնել․ Փաշինյան Լևոն Շանթի անվան թիվ 4 դպրոցի աշակերտները վանկարկում են «Նիկոլ դավաճան» Աստվածաշունչն ասում է՝ «ամեն իշխանությունն Աստծուց է»․ Փաշինյան (տեսանյութ) Զինվորն ի՞նչ գործ ունի սահմանին կանգնած․ Փաշինյան (տեսանյութ) Լեգիտիմությունն ավելի լավ երաշխավոր է, քան լավ երաշխավորը. Նիկոլ Փաշինյան (տեսանյութ) Ի՞նչ գործընթաց է սպասվում մոտակա օրերին Կիրանցում. Փաշինյանը մանրամասներ է ներկայացրել (տեսանյութ) Եթե Կիրանցի դպրոցն ադրբեջանցիների համար երևալը խնդիր է, կարող ենք ծառ տնկել, պատ կառուցել․ Փաշինյան (տեսանյութ) Կարող է մեր ինքնիշխան տարածքից դիրք դուրս գալ, որովհետև ՊՆ-ն այդ գծի վրա այլևս ծառայություն չի իրականացնելու. Փաշինյան (տեսանյութ)