Արևմուտքի տհաճ անակնկալը՝ Նիկոլ Փաշինյանին

Հայաստանի իշխանություններն օրերս Բրյուսելում կայացած եռակողմ հանդիպման ավարտից հետո պնդում են, որ Հայաստանը ստացել է այն ամենը, ինչի համար որ մեկնել էր Բելգիա: Մյուս կողմից՝ Փաշինյանն ու թիմակիցները հայտարարում են Արևմուտքի կողմից Հայաստանին տրամադրվելիք աննախադեպ ֆինանսական օգնության մասին: Մինչդեռ փաստերի պարզ համադրումը ցույց է տալիս, որ այդ օգնությունը ոչ միայն չի ավելացել, այլ մի բան էլ նվազել է։

Այսպես, Եվրամիությունը 2019-ին ավելացրել էր Հայաստանի տարեկան աջակցությունը մինչև 70 միլիոն եվրո։ Հիմա ասվում է, որ 4 տարվա համար Հայաստանին տալու են 270 միլիոն եվրո։ Դա բաժանում եք 4-ի, ստացվում է տարեկան 67 ու կես միլիոն։ Այսինքն՝ ավելի քիչ, քան նախկինում։ Այն ժամանակ Փաշինյանը ծաղրում էր ԵՄ-ին՝ ասելով, որ նրանց տվածը ընդամենը կոպեկներ են, մի կոռուպցիոների թափ տանք՝ այդքան գումար դուրս կգա:

Նույն միտումն առկա է նաև ԱՄՆ-ից ստացվող օգնության մասով: Այսպես, ԱՄՆ Պետդեպարտամենտը 2024-ին տրամադրել է 52 միլիոն ԱՄՆ դոլար՝ ժողովրդավարության և տնտեսության ամրապնդման նպատակով: Այս մասին հայտնել էր Պետդեպարտամենտի ներկայացուցիչը՝ պատասխանելով «Հայաստանում տնտեսության և ժողովրդավարության ամրապնդմանն ուղղված ծախսերի չափի մասին» հարցին։ Այս գումարը շուրջ 20 անգամ ավելի քիչ է՝ նույն նպատակով նախորդ տարի ԱՄՆ տրամադրած օգնությունից, 2023-ին այդ թիվը կազմում էր 63.9 միլիոն դոլար:

Ստացվում է, որ ՀՀ իշխանությունները մանիպուլացնում են հանրությանը՝ պնդելով, որ Արևմուտքը մեծացրել է Հայաստանին տրամադրվելիք ֆինանսական օգնությունը, իրականությունը, ինչպես տեսնում ենք, տրամագծորեն հակառակն է: Միևնույն ժամանակ ակնհայտ է, որ խնդիրը ԵՄ քսակի դատարկ լինելու մեջ չէ, նույն ԵՄ-ն՝ 10 միլիարդ դոլարի ներդրում է անում Ադրբեջանում՝ Տրանսկասպյան միջանցքի կառուցման նպատակով, 70 միլիոն եվրո է հատկացվում՝ ապահովելու համար ծովային միջանցքի անխափան գործունեությունը, որով մարդասիրական օգնություն է առաքվում Գազայի հատվածի բնակիչներին, 5 միլիարդի հասնող ռազմական օգնություն է պլանավորվում տրամադրել Ուկրաինային: 2023-ին Ֆորբս ամսագիրը գրել էր, որ Ղազախստանում ԵՄ ներդրումների ընդհանուր փաթեթը կազմել է 175 միլիարդ եվրո: Տարբերությունը, ինչպես տեսնում ենք, ակնհայտ է, և այս տարբերությունը բավական տհաճ անակնկալ է արևմտյան արտաքին քաղաքական վեկտորի ջատագով Փաշինյանի և նրա թիմակիցների համար:

Այս թեմայով Փաշինյանը կուսակիցների հետ քննարկել է կրթության ոլորտի բարեփոխումները՝ «Հայրենիքը պետությունն է» հայեցակարգի դիտանկյունից Պետությունը շոու բիզնեսի ներկայացուցիչներից պահանջում է եկամտային հարկ և այս քաղաքականությունը պետք է ընդլայնել․ Փաշինյան Լևոն Շանթի անվան թիվ 4 դպրոցի աշակերտները վանկարկում են «Նիկոլ դավաճան» Աստվածաշունչն ասում է՝ «ամեն իշխանությունն Աստծուց է»․ Փաշինյան (տեսանյութ) Զինվորն ի՞նչ գործ ունի սահմանին կանգնած․ Փաշինյան (տեսանյութ) Լեգիտիմությունն ավելի լավ երաշխավոր է, քան լավ երաշխավորը. Նիկոլ Փաշինյան (տեսանյութ) Ի՞նչ գործընթաց է սպասվում մոտակա օրերին Կիրանցում. Փաշինյանը մանրամասներ է ներկայացրել (տեսանյութ) Եթե Կիրանցի դպրոցն ադրբեջանցիների համար երևալը խնդիր է, կարող ենք ծառ տնկել, պատ կառուցել․ Փաշինյան (տեսանյութ) Կարող է մեր ինքնիշխան տարածքից դիրք դուրս գալ, որովհետև ՊՆ-ն այդ գծի վրա այլևս ծառայություն չի իրականացնելու. Փաշինյան (տեսանյութ) Որո՞նք են երաշխիքները, որ 4 գյուղերն ստանալուց հետո Ադրբեջանը նոր պահանջներ չի ներկայացնի. հարց՝ Փաշինյանին (տեսանյութ)