Գերմանիան Բունդեսվերի բրիգադ է ուղարկել Լիտվա՝ դա անվանելով կարևոր քայլ ՆԱՏՕ-ի համար

Գերմանիայի պաշտպանության նախարար Բորիս Պիստորիուսը Լիտվայում Բունդեսվերի բրիգադի տեղակայման մեկնարկը կարևոր քայլ է համարել ՆԱՏՕ-ի արևելյան թևն ամրապնդելու ուղղությամբ։ Այդ մասին գրում է Deutsche Welle-ի ռուսական ծառայությունը:

«Սա կարևոր օր է Բունդեսվերի համար: Մենք առաջին անգամ սկսում ենք մշտական ​​հիմունքներով նման ստորաբաժանում տեղակայել Գերմանիայի սահմաններից դուրս», - հայտարարել է նախարարն ապրիլի 8-ին Բեռլինում, բրիգադի 20 զինծառայողներից բաղկացած առաջապահ ջոկատը Լիտվա ուղարկելու արարողության ժամանակ։

Լիտվա մեկնող զինծառայողները պետք է պայմաններ նախապատրաստեն հետագայում գերմանացի զինվորներին Լիտվա տեղափոխելու համար։

Ռուսաստանի նախագահի մամուլի քարտուղար Դմիտրի Պեսկովն արձագանքել է Լիտվայում գերմանական ռազմակայանի ստեղծմանը՝ դա անվանելով «լարվածության սրման շարունակություն»։ Նա հայտարարել է, որ դա Ռուսաստանին դրդում է հատուկ միջոցներ ձեռնարկել սեփական անվտանգության ապահովման համար։

Եվրոպայում անվտանգության ոլորտում փոփոխված իրավիճակի ֆոնին Գերմանիայի կառավարությունը խոստացել է Լիտվայում մշտական հիմունքներով տեղակայել մարտունակ և ինքնավար ստորաբաժանում։ Բունդեսվերի բրիգադը պետք է լիարժեք մարտական ​​պատրաստության վիճակի հասնի մինչև 2027 թվականը։ Այն բաղկացած կլինի Բունդեսվերի շուրջ 4800 զինվորից և 200 քաղաքացիական ծառայողից, որոնք հնարավորություն կստանան Լիտվա բերելու իրենց ընտանիքներին։

45-րդ տանկային բրիգադ անվանմամբ ստորաբաժանումը պլանավորվում է վերջնականապես ձևավորել 2025 թվականին։ 150 զինծառայողներից բաղկացած ոչ մեծ խումբը Լիտվայում ծառայությանը ձեռնամուխ կլինի արդեն այս տարի։ Լիտվայի պաշտպանության նախարարության տվյալներով՝ բրիգադի տեղակայումը Գերմանիայի համար կարժենա գրեթե 800 մլն եվրո։

Այս թեմայով Կառավարությունը գումար է հատկացրել մարզերում առաջնահերթ լուծում պահանջող, անհետաձգելի համարվող ծրագրեր իրականացնելու համար Մակրոնը երկու պայման է նշել ֆրանսիացի զինվորականներին Ուկրաինա ուղարկելու համար ԼՂ-ից տեղահանված անձանց ֆինանսական աջակցության համար պետբյուջեից ավելի քան 48 մլրդ դրամ կհատկացվի Ուղղակի ամաչում եմ հայ ոստիկանների համար. Բագրատ Սրբազան (տեսանյութ) «Հանուն Ալիևի և Ադրբեջանի» օպերացիա են անում Տավուշում, հայ ոստիկանը թուրքի համար ճանապարհ է բացում. Նաիրա Զոհրաբյան (տեսանյութ) Փաշինյանը թուրք-ադրբեջանական ծրագիր է իրականացնում, Աշոտյանին կալանավորել են դրա բացահայտման համար (տեսանյութ) Դեսպանները չե՞ն տեսնում՝ ոստիկանապետություն ենք դառնում, փող են տալիս իբր ժողովրդավարության համար (տեսանյութ) Սա առատ վարձատրությունն է իշխանությանը մատուցած ձեր ծառայությունների համար, Գալստյանը՝ Հակոբյանին Ուսուցիչներ կան՝ ամիսը 25 հազար են ստանում, տնից դուրս գալու համար եք աշխատո՞ւմ, բա էրեխեքի ապագա՞ն Սև բերետավորները դաժան ծեծի են ենթարկել Տավուշի համար պայքարող քաղաքացիներին (տեսանյութ)