Դատապարտում ենք Ադրբեջանի հարձակումները ՀՀ ինքնիշխան տարածքի վրա․ հայտարարություն

Ֆրանսիա-Հայաստան բարեկամական խումբը X-ի իր էջում հայատարարություն է տարածել, որում դատապարտել է Ադրբեջանի ԶՈւ–ի սադրանքները։

«Մենք՝ Ֆրանսիա-Հայաստան բարեկամական խմբի պատգամավորներս, խստորեն դատապարտում ենք Ադրբեջանի հարձակումները Հայաստանի Հանրապետության ինքնիշխան տարածքի վրա՝ լինեն դրանք հայկական տարածքի պաշտպանության համար սահմանված ռազմական դիրքերի, թե խաղաղ բնակիչների ուղղությամբ, ինչպես դա տեղի ունեցավ Տավուշի մարզի Մովսես գյուղում։

Մինչ Հայաստանը ցուցաբերում է առավելագույն զսպվածություն, վերահաստատում հավատարմությունը բանակցային գործընթացին, ադրբեջանական իշխանությունների այս սադրանքները, ինչպես նաև Բաքվի ռեժիմի ապատեղեկատվության ռազմավարությունը չպետք է հանդուրժելի լինեն միջազգային հանրության համար:

Ադրբեջանն այս կերպ հրաժարվում է 2022 թվականի հոկտեմբերի 6-ին Պրահայում ստանձնած պարտավորություններից, որտեղ Հայաստանն ու Ադրբեջանը վերահաստատեցին իրենց հավատարմությունը ՄԱԿ կանոնադրությանը և 1991 թվականի Ալմաթիի հռչակագրին՝ փոխադարձաբար ճանաչելով միմյանց տարածքային ամբողջականությունն ու ինքնիշխանությունը։

Այսօր Ադրբեջանը ապօրինաբար օկուպացնում է Հայաստանի Հանրապետության ինքնիշխան տարածքի զգալի հատվածներ։ 

Եվրոպական Միությունը պետք է պահանջի Ադրբեջանից դուրս բերել իր զորքերը և դադարեցնել հայկական տարածքի օկուպացիան՝ Հայաստանի տարածքային ինքնիշխանությունը և Հարավային Կովկասում խաղաղությունը պահպանելու համար»։ 

Այս թեմայով Ադրբեջանի ռազմածովային ուժերում տեղի է ունեցել հանդիպում ՆԱՏՕ-ի ներկայացուցիչների հետ Ադրբեջանի համար դեպի ԵԽԽՎ վերադարձի ճանապարհ չկա․ Ֆրանկ Շվաբե Ադրբեջանը Տավուշի 4 գյուղերը պահանջել է, ոչ թե սահմանազատման համար, այլ զոհվածների դիակների․ Նարինե Կիրակոսյան ՀՀ–ն և Ադրբեջանը հաստատել են, որ մասնակցելու են Ալմաթիի բանակցություններին. Ղազախստանի ԱԳՆ Ֆրանսիայի ՆԳՆ–ն Ադրբեջանին մեղադրել է անջատողականությանն աջակցելու մեջ Կոոպմանն Ադրբեջանում կառաջարկի ստեղծել ականազերծման գործողությունների եվրոպական խումբ 10 000 ադրբեջանցի ուսանող մասնակցել է «Արևմտյան Ադրբեջան» թեմայով օլիմպիադային, սա մարտահրավեր է (տեսանյութ) Փաշինյանը Բլինքենի հետ քննարկել է Հայաստան-Ադրբեջան խաղաղության գործընթացը Միրզոյանը Կատարի վարչապետին ներկայացրել է ՀՀ-Ադրբեջան հարաբերությունների կարգավորման գործընթացը Ագրեսիա Արցախի դեմ, սպանություններ, խոշտանգումներ. ԱՄՆ Պետդեպի զեկույցն Ադրբեջանի վերաբերյալ