ԲՏԱ նախարարը չի բացառում ռուսական հեռուստաալիքներին առնչվող համաձայնագրի միակողմանի խզումը

Բարձր տեխնոլոգիական արդյունաբերության նախարարության պատվիրակությունը Մոսկվայում խորհրդակցություն է անցկացրել ՌԴ թվային զարգացման, կապի և զանգվածային հաղորդակցության նախարարության ներկայացուցիչների հետ Հայաստանում հեռարձակվող ռուսական հեռուստաալիքների շուրջ ստեղծված իրավիճակի հետ կապված։

Ազգային ժողովում կառավարության անդամների հետ հարց ու պատասխանի ժամանակ այս մասին ասաց Բարձր տեխնոլոգիական արդյունաբերության նախարար Մխիթար Հայրապետյանը։

«Այդ խոհրդակցությունները կայացել են, և ցավով պետք է արձանագրեմ, որ չի հաջողվել արձանագրել խախտումների փաստը։ Համենայնդեպս, դրա վերաբերյալ չի եղել կոնսենսուս, որի հետևանքն էր Հայաստանի հեռուստատեսային և ռադիոհաղորդիչ ցանցի կողմից երկու հաղորդումների եթերազրկումը»,- ասաց Հայրապետյանը։

Նրա խոսքով՝ այս ամենը չի նշանակում, որ այդ հարցի շուրջ բանակցությունները փակուղի են մտել։

«Մենք առաջիկայում, եթե ոչ այս շաբաթ, ապա հաջորդ շաբաթ նախատեսում ենք առաջարկների մեր փաթեթը ուղարկել ռուս գործընկերներին առ այն, թե ինչպես ենք պատկերացնում համաձայնագրի նոր խմբագրումները»,-նշեց Հայրապետյանը՝ հավելելով, որ այս հարցում շատ կառուցողական են տրամադրված և նպատակն է ոչ թե իրավիճակի սրումը, այլ ընդհակառակը՝ ստանալ այնպիսի փաստաթուղթ, որը կաշխատի։

Մխիթար Հայրապետյանը նշեց, որ Հայաստանի նպատակն է վերախմբագրել համաձայնագիրը, որը հնարավորություն կտա ռուսական հեռուստաալիքների հաղորդումներում խախտումներ հայտնաբերելու պարագայում կիրառել վարչական վարույթ և պատժամիջոցներ։

«Մենք հավատով ենք մոտենում այս գործընթացին և հույս ունենք, որ միջկառավարական համաձայնագրի վերախմբագրման վերաբերյալ մեր առաջարկները կընդունվեն։ Եթե դրանք չընդունվեն, ապա չեմ բացառում հավանականություն, որ Հայաստանի Հանրապետությունը կարող է նաև դիտարկել այդ համաձայնագիրը միակողմանի խզելու տարբերակը»,-եզրափակեց Հայրապետյանը։

Այս թեմայով ՌԴ դիվանագետները և Ռուսական տան ներկայացուցիչը հարգել են Քաջարանում խորհրդային օդաչուների հիշատակը Եթե ֆրանսիական զորքերը հայտնվեն Ուկրաինայում, անխուսափելիորեն ռուսական բանակի թիրախ կդառնան. Զախարովա ԵՄ-ն ռուսական սառեցված ակտիվներից եկամտի 90%-ը կուղղի Ուկրաինային զենք մատակարարելուն. Շոլց Այս իշխանությունը բավարարում է Ադրբեջանի միակողմանի պահանջները. Տիգրան Աբրահամյան Ոստիկանությունը չի կարողացել վերահսկել Սեւանի մայրուղում երթեւեկը․ շարժման պատճառով երթեւեկությունը միակողմանի է դարձել (տեսանյութ) Ֆրանսիայի էկոնոմիկայի նախարարը հեծանվորդի է վրաերթի ենթարկել Կոչ եմ անում Եվրամիությանը հարգել Իրանի զինված ուժերը. Իրանի ԱԳ նախարարը՝ Բորելին Ոստիկանները բլոկավորում են այն հատվածները, որոնք պետք է միակողմանի հանձնվեն Ադրբեջանին. Աբրահամյան Ադրբեջանը մեր իսկ ձեռքերով է սահմանագծում իրականացնում, ինչը միակողմանի զիջում է. Օհանյան (տեսանյութ) ՔՊ-ականը «պատմական իրադարձություն է» համարում Տավուշում միակողմանի դելիմիտացիան