Ակադեմիական քաղաքի կառուցման աշխատանքները նախատեսվում է մեկնարկել 2025-ից

Հայաստանում Ակադեմիական քաղաքի կառուցման աշխատանքները նախատեսվում է փուլային սկզբունքով մեկնարկել 2025 թվականից:

Այս մասին ասաց Կրթության, գիտության, մշակույթի և սպորտի նախարար Ժաննա Անդրեասյանը ԱԺ-ում կառավարության հետ հարցուպատասխանին՝ անդրադառնալով «Քաղաքացիական պայմանագիր» խմբակցության պատգամավոր Հասմիկ Հակոբյանի հարցին:

«Սա շատ խոշոր ծրագիր է, իրականացնումն էլ բավականին ժամանակ է պահանջելու: Մենք գտնվում ենք գլխավոր հատակագծի մշակման փուլում, որը պետք է վերջնականացվի մինչև հունիս ամիսը»,-ասաց նախարարը:

Ապրիլի 11-ին նախատեսվում է Հայաստանում հերթական այցով ընդունել գերմանական GMP ընկերության ճարտարապետներին՝ քննարկելու աշխատանքները, որ արդեն արված են:

«Ուրբաթ օրը նախատեսում ենք ծրագրի այս պահին արդեն պատրաստ և մշակված տարբերակի ներկայացում հանրային ավելի լայն շրջանակի Մատենադարանի դահլիճում, հրավիրված են գիտական, բուհական հանրույթի ներկայացուցիչները»,-ասաց Անդրեասյանը:

Անդրադառնալով պատգմավորի հարցադրմանը, թե արդյոք ներկայիս դպրոցականները հնարավորություն կունենան սովորելու Ակադեմիական քաղաքում՝ նախարարը վստահաբար դրական պատասխան տվեց: «Պլանավորում ենք, որ այս տարի կսկսենք փուլային տարբերակով հիմնական կառույցների նախագծման աշխատանքները: Բուն կառուցման աշխատանքները ևս պլանավորվում է փուլային սկզբունքով մեկնարկել 2025 թվականից: Կարծում ենք, որ այդ տրամաբանության մեջ 2030 թվականին արդեն կունենանք այստեղ առաջին սովորողներին: Առաջին փուլում խոսքը արվեստների, տեխնոլոգիական, կրթական և սպայական համալսարանների ուսանողների մասին է»,-ասաց նախարարը:

Առաջիկայում նախատեսվում են շատ մանրամասն քննարկումներ, ներկայացումներ բոլոր բուհերում, դպրոցականների հետ:

Ակադեմիական քաղաքը պլանավորված է առաջին հերթին պետական բուհերի ներգրավվածության համար, խոսքը մինչև 8 պետական բուհերի մասին է: Սակայն, նախարարի խոսքով, տարածքը բավականին մեծ է, և հայեցակարգում պլանավորված է, որ այդտեղ կարող են տեղափոխվել նաև մինչև 8 մասնավոր և միջպետական բուհեր: Արդեն կա հետաքրքրվածություն տարբեր բուհերի կողմից:

Այս թեմայով Պայքարի 4-րդ օրվա երթն այսօր ավարտվեց Կոտայքի մարզի Չարենցավան քաղաքի Վերածննդի հրապարակում Կիրանցում շարունակվում են սահմանազատման աշխատանքները (տեսանյութ) Կրեմլում մեկնարկել է Պուտինի երդմնակալության արարողությունը. ՈւՂԻՂ Կապան քաղաքի Արփիկ թաղամասում քաղաքացին սայթաքել և ընկել է քարերի վրա Երևանում նախատեսվում է 5 նոր մանկապարտեզի կառուցում Մեկնարկել է Արարատ Միրզոյանի պաշտոնական այցը Կատար Մեկնարկել է «ՀՀ վարչապետի գավաթ» սեղանի թենիսի սիրողական մրցաշարի եզրափակիչ փուլը Նախատեսվում է ավելացնել թվային ծառայություններ մատուցող օպերատորների թիվը բնակավայրերում Սահմանազատման գործընթացն այսօրվանից մեկնարկել է. Կիրանցի վարչական ղեկավար (տեսանյութ) Հայաստան-Ադրբեջան շփման գծի որևէ փոփոխություն այսօր չի նախատեսվում. ՀՀ ԱԱԾ