Ֆրանսիայում քննարկել են Հարավային Կովկասի իրադարձությունները, ԼՂ հակամարտությունը

Ապրիլի 10-ին Ֆրանսիայի Քաղաքական գիտությունների (Sciences Po) համալսարանի Լիլ քաղաքի մասնաճյուղում կայացավ «Ֆրանսիա-Հայաստան ռազմավարական գործընկերություն․ վերակերտված տարածաշրջանային աշխարհաքաղաքականություն Լեռնային Ղարաբաղ ներխուժումից հետո» խորագիրը կրող համաժողով։ Այն կազմակերպվել էր վերոհիշյալ համալսարանի «ՄԱԿ-ի մոդել» ուսանողական ասոցիացիայի կողմից։ Հայտնում են Ֆրանսիայում ՀՀ դեսպանությունից։ 

Համաժողովին որպես բանախոսներ հանդես եկան Ֆրանսիայում ՀՀ դեսպան Հասմիկ Տոլմաջյանը, Ստրասբուրգի համալսարանի միջազգային իրավունքի պրոֆեսոր, միջազգային իրավունքի մասնագետ Էդուարդո Ստոպիոնին (Edoardo Stoppioni), Լեռնային Ղարաբաղի ներկայացուցիչ Հովհաննես Գևորգյանը, վերլուծաբան և աշխարհաքաղաքագետ Տիգրան Եգավյանը։

Բանախոսները համապարփակ ձևով ներկայացրեցին Հարավային Կովկասի տարածաշրջանում տեղ գտած վերջին զարգացումները, այս համատեքստում ընդգծելով Հայաստանի և Ֆրանսիայի առանձնաշնորհյալ հարաբերությունները ռազմավարական գործընկերության մակարդակի բարձրացնելուն ուղղված քայլերի կարևորությունը՝ Հայաստանի առջև ծառացած անվտանգային, ինչպես նաև Լեռնային Ղարաբաղից հայ բնակչության բռնի տեղահանումից հետո առաջացած հումանիտար մարտահրավերներին դիմագրավելու նպատակով։ Ուսանողների խնդրանքով բանախոսներն անդրադարձան նաև Լեռնային Ղարաբաղի հակամարտության պատմական և իրավական ասպեկտներին, Ադրբեջանի կողմից պետական մակարդակով քարոզվող հայատյացությանը և այդ երկրի ռազմատենչ քաղաքականությանը, ինչպես նաև տարածաշրջանում խաղաղության հասնելու ուղղությամբ հայկական կողմի շարունակական ջանքերին։

Համաժողովին ներկա էին ֆրանսիայի Օ-դը-Ֆրանս ռեգիոնի խորհրդի, Լիլի քաղաքային խորհրդի անդամներ, Քաղաքական գիտությունների համալսարանի Լիլ քաղաքի մասնաճյուղի նախագահ Էթիեն Պեյրան (Etienne Peyrat), «ՄԱԿ-ի մոդել» ասոցիացիայի ներկայացուցիչներ, համալսարանի դասախոսներ և ուսանողներ։

Համաժողովին նախորդեց Ֆրանսիայում ՀՀ դեսպանի հանդիպումը Քաղաքական գիտությունների համալսարանի Լիլ քաղաքի մասնաճյուղի նախագահ, Հարավային Կովկասի հարցերով մասնագետ Էթիեն Պեյրայի հետ, որի ընթացքում կողմերը մտքեր փոխանակեցին տարածաշրջանային վերջին զարգացումների առնչությամբ։

Այս թեմայով Չինաստանի նախագահը պաշտոնական այցով մեկնել է Ֆրանսիա, Սերբիա և Հունգարիա Եվրոպան պաշտպանում է իր շահերը․ Ֆրանսիայի ԱԺ-ում քննարկել են Հայաստանում ստեղծված իրավիճակը Պապիկյանը և Ֆրանսիա-ՀՀ բարեկամական խմբի ղեկավարը տարածաշրջանային անվտանգության հարցեր են քննարկել Մեկնարկել է Ֆրանսիա-Հայաստան բարեկամության խմբի նախագահի գլխավորած պատվիրակության այցը Հայաստան Ֆրանսիան հետ է կանչել Ադրբեջանում իր դեսպանին Ֆրանսիան դատապարտել է Իրանի հարձակումն Իսրայելի վրա Ֆրանսիան ակտիվորեն զինում է Ալիևին. թիկունքից հարված՝ արևմտյան «դաշնակցից» Ֆրանսիան մտահոգված է Երուսաղեմի հայկական թաղամասում տեղի ունեցած միջադեպերով «Ադրբեջանը փորձում է Հայաստանին մեղադրել էսկալացիայի մեջ»․ Ֆրանսիայի ԱԳՆ խոսնակ Հայաստանը միակն է, որը ցանկանում է խուսափել հակամարտությունից․ Ֆրանսիայի ԱԳ նախարար