ԱՄՆ-ն ակտիվանում է տարածաշրջանում. ինչո՞ւ է շտապում Բայդենը

Հարավային Կովկասում իրավիճակը թեժանում է, ակնհայտ է, որ Արևմուտքը շտապում է և փորձում է տարածաշրջանում հաստատել իր անվերապահ հեգեմոնիան: Դիցուք՝ Վրաստանում մի քանի օր է, ինչ լարված իրավիճակ է ստեղծվել: Հասարակական կազմակերպությունների և ԶԼՄ-ների ներկայացուցիչները բողոքի ակցիաներ են իրականացնում՝  «Ո՛չ ռուսական օրենքին» գրություններով պաստառներով։ Ընդդիմությանը զայրացրել է իշխող «Վրացական երազանք» խմբակցության ներկայացրած «Օտարերկրյա ազդեցության թափանցիկության մասին» օրենքի նախագիծը: Օրինագծի հակառակորդների մտավախությունները կապված են այն բանի հետ, որ առաջիկա խորհրդարանական ընտրություններից առաջ ընդդիմադիր լրատվամիջոցները, բարեգործական, իրավապաշտպան և քաղհասարակության կազմակերպությունները, որոնք գործում են արևմտյան դրամաշնորհների հաշվին, կարող են անվանվել «օտարերկրյա գործակալներ»։ Նախագիծն արդեն իսկ քննադատել է  ԱՄՆ-ն, որին դուր չի գալիս այն հանգամանքը, որ Վրաստանի իշխանությունները չեն ցանկանում երկիրը դարձնել Արևմուտքի սատելիտը և փորձում են վարել բալանսավորված արտաքին քաղաքականություն: Հենց դա է պատճառը, որ որոշ փորձագետներ գտնում են, թե ընդդիմության բողոքի ակցիաների հետևում կանգնած է հենց Արևմուտքը և չի բացառվում, որ կրկին փորձ արվի խաղարկել հեղափոխության սցենարը:

Արևմուտքը շտապում է նաև Հայաստանում: Տավուշի չորս գյուղերի շուրջ բարձրացված աղմուկը կարելի է ասել ֆոնային է, իսկ ահա Արևմուտքի գլխավոր նպատակը «Զանգեզուրի միջանցքի» բացումն է և Թուրքիաի ու Ադրբեջանի միջև ցամաքային կապի հաստատումը: Բրյուսելում  հունվարի 29-ին տեղի էր ունեցել ԵՄ-Կենտրոնական Ասիա տրանսպորտային հաղորդակցության ներդրողների համաժողովը, որի շրջանակում պարզ դարձավ, որ Եվրամիությունը մտադիր է ներգրավել մինչև 10 միլիարդ եվրոյի ներդրումներ Կենտրոնական Ասիայից դեպի Եվրոպա՝ Անդրկովկասի և Թուրքիայի տարածքով Ռուսաստանը շրջանցող տրանսպորտային միջանցքի ստեղծման համար։ Եվ Տրանսկասպյան միջանցքը (Ղազախստան-Ադրբեջան-Վրաստան), և՛ այսպես ասած՝ «Զանգեզուրյան միջանցքի» պրոյեկտը խիստ անհրաժեշտ են նախևառաջ Արևմուտքին, որոնք ներկա պահին քիչ թե շատ «անվտանգ» երթուղիներ կարող են լինել իրենց համար արևելքից դեպի արևմուտք՝ լոգիստիկ, էներգետիկ ուղիների առումով, քանի որ Մերձավոր Արևելքում այնպիսի աշխարհաքաղաքական փոթորիկ է ստեղծվել, որ արևելքն՝ արևմուտքին, հյուսիսը՝ հարավին կապող տրանսպորտային երթուղիների գրեթե քիչ անվտանգ տարբերակներ են մնացել: Ակնհայտ է, որ «Զանգեզուրի միջանցքի» ծրագիրը, որը այսօր շտապում է իրագործել Արևմուտքը, բացառապես Թուրքիայի և նույն Արևմուտքի տնտեսական ու էներգետիկ շահերը սպասարկող ծրագիր է:

Հարց է առաջանում՝ իսկ ինչո՞ւ է շտապում Արևմուտքը և մասնավորապես՝ վերջերս բավական ակտիվացած ԱՄՆ-ն: Բանն այն է, որ Բայդենի վարչակազմը քաջ գիտակցում է, որ նոյեմբերին կայանալիք ընտրություններում դեմոկրատների հաղթանակի շանսերը, մեղմ ասած, մեծ չեն՝ հանրապետականները Թրամփի գլխավորությամբ ըստ վերջին սոցհարցումների առավելություն ունեն: Հետևաբար, մինչ ընտրությունները դեմոկրատներին անհրաժեշտ է սեփական հանրությանը հաղթանակներ հրամցնել, քանի որ ուկրաինական քեյսը տապալվել է, Բայդենի վարչակազմին այլ բան չի մնում, քան հայացքներն ուղղել դեպի Հարավային Կովկաս և որպես հաղթանակ ներկայացնել Վրաստանի և Հայաստանի վերջնական վեստերնիզացիան և ՌԴ ճիրաններից պոկելը: Նաև սրանով է պայմանավորված այն շտապողականությունը, որն Արևմուտքը դրսևորում է մեր տարածաշրջանում, հետևաբար հայ ժողովրդին մնում է քաջ գիտակցել վերը թվարկած փաստերը, անել համապատասխան հետևություններ և ճիշտ պլանավորել հետագա քայլերը:

Այս թեմայով Ուրախ եմ, որ Բայդեն-Հարիս վարչակազմը շարունակում է ջանքերը Հայաստանի հետ հարաբերությունների ամրապնդման ուղղությամբ. Փալոուն Այն, ինչ կատարվում է Կուրսկի մարզում, իսկական երկընտրանք է Պուտինի համար. Բայդեն Հիասթափված եմ Վրաստանի կառավարությունից. Բայդեն Ազգը համախմբելու լավագույն միջոցն էստաֆետը նոր սերնդին փոխանցելն է. Բայդեն Աշխարհն արժանի է, որ ես նրան երկրորդ քառամյա ժամկետով ղեկավարեմ. Բայդեն (տեսանյութ) Վերջ, Բայդեն, Ուկրաինայում «ռազմական հատուկ գործողության» նպատակները կիրագործվեն. Մեդվեդև Ակնկալում եմ հաջորդ շաբաթ վերադառնալ քարոզարշավին. Ջո Բայդեն Ես Թրամփից ծեր եմ, բայց ընդամենը 3 տարով. Բայդեն Բայդենը կես դրույքով նախագահ է աշխատում. Բայդեն ԱՄՆ-ում կայացել է Բայդեն-Թրամփ առաջին հեռուստաբանավեճը՝ առանց ձեռքսեղմումի ու փոխադարձ վիրավորանքներով (տեսանյութ)