«Խորհրդավոր» ընթրիքի ստորգետնյա քարերը. ովքեր չեն մասնակցել Աննա Հակոբյանի հավաքին

«Արմաս» գինու գործարանում կիրակի տեղի է ունեցել վարչապետի կնոջ՝ Աննա Հակոբյանի կազմակերպած  ընթրիքը՝ «Հաջողակ կին գործարարների աջակցությունը սկսնակ կին գործարարներին» խորագրով: Հայաստանյան գործարար տիկնանց առաջարկել էին 1 միլիոն դրամ վճարել եւ ընթրել տիկին Հակոբյանի հետ, իսկ հավաքագրված գումարները կուղղվեն մարզերի սկսնակ գործարար կանանց:

Հավաքին ներկա են եղել Սամվել Ալեքսանյանի գերդաստանը՝ կինը` Շողերինան, աղջիկները, քույրը՝ «Աստղիկ» ԲԿ-ի տնօրեն Ասատուր Ասատրյանի կինը, MAVI-ի տնօրեն Հասմիկ Ռաշոյանը, «Լարա» շոկոլադի գալերեայի տնօրեն Լաուրա Նահապետյանը, «Դայմոնդ» ռեստորանային համալիրի հիմնադիր տնօրեն Նարինե Չարչյանը, Խաչատուր Սուքիասյանի դուստրը, Էրեբունի եւ Նաիրի բժշկական կենտրոնների սեփականատեր Արտյոմ Քուշկյանի կինը՝ Նառա Մամիկոնյանը, «Թեյան» ընկերության հիմնադիր Աստղիկ Գալստյանը, «Աննա-թեյ»-ի հիմնադիր Աննա Սահակյանը, «Էքսելսիոր» գեղեցկության սրահի տնօրենը եւ այլք։ 

Ինչպես տեսնում ենք՝ հավաքին ներկա են եղել նաև մի շարք նախկին պաշտոնյաների և օլիգարխների կանայք, ինչը չվրիպեց հանրության ուշադրությունից: Այս իշխանությունների ձեռագիրը իմանալով՝ կարելի է ենթադրել, որ վերջիններիս ուղարկված հրավերը ուշագրավ ենթատեքստ էր պարունակում: Այն է՝ նրանց ամուսիններին և հայրերին ընդդիմադիր դաշտում «սևացնելը» և հանրությանը մեսիջ հղելը, որ հակաիշխանական ճամբարում նրանք այլևս վստահելի խաղացողներ չեն կարող համարվել: Թերևս հասկանալով Փաշինյանների բազմաքայլ կոմբինացիան՝ ընդդիմադիր դաշտի կարկառուն ներկայացուցիչներից և ոչ մեկ այս ընթացքում սոցիալական հարթակներում մասնակիցների վրա «ցեխ» չի նետել: Ոչ պակաս ուշագրավ է այն, թե ովքեր են բացակայել այս հավաքից: Դիցուք՝ ՔՊ-ական պատգամավոր Խաչատուր Սուքիասյանի կինը՝ Ռուզանա Ասատրյանը, ինչպես նաև ԲՀԿ առաջնորդի կինը՝ Ջավահիր Ծառուկյանը, ներկա չեն գտնվել Աննա Հակոբյանի կազմակերպած ընթրիքին:

Դատելով ընդդիմադիր դաշտի զուսպ արձագանքից՝ այս մտահղացումը չտվեց սպասված արդյունքը, բոլորն էլ քաջ գիտակցում են այն խաղը, որը վարում են այսօրվա իշխանությունները և չեն ցանկանում «տոն» տալ այդ խաղին:

Այս թեմայով ԵՄ դեսպանին հրավիրել եմ ներկա գտնվելու Աշոտյանի դեմ քաղաքական դատավարությանը․ Աննա Մկրտչյան Ի՞նչ է ուզում ԱԺԲ-ն. Փաշինյանի ամերիկյան տերերը դժգո՞հ են նրանից. «Հրապարակ» Աղդամցի Ալենի պատվի և արժանապատվության կորսված լինելու հարցը դեռևս օդում կախված է. Աննա Մկրտչյան (տեսանյութ) «Ծիծեռնակաբերդ»-ում Աննա Հակոբյանի և դստեր դեպքով քննչականում քրեական վարույթ է նախաձեռնվել․ կան ձերբակալվածներ «Ժողովուրդ». Աննա Հակոբյանը քաղաքական նպատակով էր Գյումրիում. թեմի առաջնորդը «վտանգ» է համարվում Աննա Հակոբյանը Գյումրի կատարած այցից լուսանկարներ է հրապարակել Երբեք չէի կարող պատկերացնել, որ ես փողոց կփակեմ. պետք է պարտադրենք իշխանություններին հեռանալ. ՀՀԿ-ական նախկին պատգամավոր Ռուբեն Հակոբյան Աննա Հակոբյանը գնացքով գնում է Գյումրի Ինչպես է Աննա Հակոբյանն արձագանքում լրագրողի՝ Արցախի մասին հարցին (տեսանյութ) Մեծ քաղաքականությունն ու փոքրիկ Արփի Փաշինյանը