«Ժողվարչապետը» տվեց-անցավ բոլորին. Փաշինյանի «կոմպլեքսներն» ու վախերը

Վերլուծական 18 Ապրիլ, 2024 20:53

Երեկ Նիկոլ Փաշինյանը կրկին այցելել էր Տավուշի մարզ՝ հանդիպելու այն գյուղերի բնակիչների հետ, որոնք պատրասվում է սկուտեղի վրա մատուցել Բաքվին: Սակայն, այս անգամ ուշագրավ էր այն, թե ինչպես է Փաշինյանը հասել Տավուշ: Ճանապարհին կանգնած քաղաքացիները տեսանկարահանել էին վերջինիս կորտեժը, ավելի ճիշտ՝ դրա աստղաբաշխական մեծությունը` շուրջ 25 մեքենա:

Իսկ այժմ համեմատենք, թե ինչպիսի կորտեժներով են շրջում գերտերությունների ղեկավարները: Սա ՌԴ նախագահ Վլադիմիր Պուտինի կորտեժն է, որում կարելի է հաշվել ընդամենը 7-8 ավտոմեքենա:

Սա Մակրոնի կորտեժն է և կրկին նման ցնցող թվով մեքենաների անգամ ակնարկ չկա:

Անգամ ԱՄՆ նախագահ Ջո Բայդենի կորտեժն է ավելի համեստ:

Էլ չենք խոսում՝ Հյուսիսային Կորեայի ղեկավար Կիմ Չեն Ընի համեստության մասին:

Փաշինյանին իր ռազմախով թերևս մոտ է միայն Չեչնիայի նախագահ Ռամզան Կադիրովը, ահա նրա ավտոշարասյունը:

Ստացվում է, որ հեղափոխությունից հետո հեծանիվով երթևեկող Փաշինյանը տվեց անցավ աշխարհի մեծերին, միայն թե ոչ կատարված գործերով, այլ ուղեկցող մեքենաների քանակով: Համաձայնեք` առնվազն ծիծաղելի է Հայաստանի նման փոքր երկրում երթևեկել 25-30 մեքենաներից բաղկացած կորտեժով: Կամ պետք է էգոդ շոյելու անվերահսկելի ցանկություն ունենաս, կամ էլ վախ` սեփական ժողովրդից: Իսկ թե ինչու է ժողվարչապետը վախենում սեփական ժողովրդից՝ հարցն, անշուշտ, հռետորական է...