Հարկերի վճարումը հեշտացնելու փոփոխություններ են սահմանվել

Հարկային ոլորտում կատարվել են մի շարք փոփոխություններ, որոնք կոչված են դյուրացնելու մասնավոր և պետական ոլորտների փոխարդյունավետ համագործակցությունը:

Հարկ վճարողների օրվա կապակցությամբ ՀՀ ՊԵԿ «Ուսումնական կենտրոն»-ում ապրիլի 19-ին կազմակերպած միջոցառման ժամանակ այդ մասին հայտարարեց ՀՀ ՊԵԿ վարչարարության մեթոդաբանության և ընթացակարգերի վարչության պետ Լեռնիկ Հարությունյանը:

Նա, մասնավորապես, անդրադարձավ կադաստրային արժեքի որոշման հետ կապված որոշ սահմանափակումների վերանայմանը: «Եկամուտը չպետք է լիներ կադաստրային արժեքի 50 տոկոսից ցածր: Ունեցանք բացառություններ, որոնք, կարծես, արդարացի են: Հարկ վճարողները կամ չէին ունենում այնպիսի դեպք, որ ավելի բարձր արժեքով պետք է օտարումն անեին, կամ՝ հարկելն էր դժվար: Օրինակ, բացառություն է արվում այն դեպքերում, երբ գրավի առարկան մինչև 2021 թվականի հունվարի 1-ն է գրավի առարկա դարձել և հետագայում հարկադիր աճուրդով հարկ վճարողին է անցել: Օտարման գործարքի մասով այդ 50 տոկոսի նորմը չեղարկվել է: Այսինքն, բացառություն է սահմանվել օրենսդիրի մոտ, և դա ի օգուտ հարկ վճարողի է»,- նշեց Լեռնիկ Հարությունյանը:

«Մյուսը. շահութահարկ վճարողը ֆիզիկական անձից վերցնում էր ինչ-որ գույք, կարճ ժամանակ անց այն հետ էր վաճառում նույն ֆիզիկական անձին և ստացվում էր այնպես, որ բանկը, օրինակ, պետք է կիրառեր կադաստրային արժեքի 50 տոկոսը: Դրա հետ կապված հարց էր առաջանում: Այդ մասով էլ բացառություն սահմանվեց:

Նշվեց, որ բացառություն է արվել նաև հարկային օրենսգրքում լիզինգի վերաբերյալ անորոշությունները վերացնելու նպատակով: Կարգավորում է եղել նաև կադաստրային արժեքի մասով՝ նորից կադաստրային արժեքի 50 տոկոսը կիրառելի չէ:

Սահմանվել է նաև ներդրումները խթանող արտոնություն: «Եթե ընկերությունում կայուն ներդրում է կատարվում, այսինքն՝ բաժնետոմս, բաժնեմաս է ներդրվում և ներդրման տարում ու հաջորդ երկու տարիներին այդ ներդրումը չի օտարվում, ապա դա համարվում է եկամտահարկի նվազեցում: Այսինքն, կարճաժամկետը կհարկվի, իսկ երկարաժամկետի դեպքում ինքը հարկերից ազատված կլինի, ինչը կխթանի երկարաժամկետ ներդրումները»,- ներկայացրեց վարչության պետը:

Նա անդրադարձավ նաև կապիտալ ընթացիկ ծախսերի դասակարգման հետ կարգավորմանը: «Տեսնում էինք ֆիզիկական անձից պարզ գույքի վարձակալություն կամ անհրաժեշտ օգտագործման հետ կապված դեպքեր: Բայց, քանի որ չունեինք սկզբնական և հաշվեկշռային արժեքներ, ապա կարծես ցանկացած ինչ-որ մի փոքր աշխատանք, որ կատարվում էր այդ շենք-շինության վրա, դառնում էր կապիտալ ծախս և պետք է հարկվեր օրենսդրությամբ սահմանված կարգով: Հիմա այդ փոփոխության արդյունքում հստակեցվեց և ասվեց, որ ֆիզիկական անձի ձեռք բերածի մասով սկզբնական արժեքը կլինի այն փաստաթուղթը, որով ինքը ձեռք է բերել: Եթե ձեռք բերելու փաստաթուղթը կբացակայի, կամ վարձատու կազմակերպությունների դեպքում՝ հարկման լուծման հարցում պայմանագրում նշված չի լինի սկզբնական կամ հաշվեկշռային արժեքը, ապա անշարժ գույքի դեպքում սկզբնական և հաշվեկշռային արժեքի հիմք կընդունվի այդ գույքի կադաստրային արժեքը: Դա կօգնի ավելի ճիշտ դասակարգել ընթացիկ և կապիտալ բնույթի ծախսերը»,- մատնանշեց Լեռնիկ Հարությունյանը:

Փոփոխություններ են եղել նաև չափագրումների մասով. «Ունեինք իրավիճակ. եթե ներմուծումը և իրացումը տարվա որևէ ամսում գերազանցում է 100 մլն դրամը, ապա կարող էինք նոր չափագրում անել: Այստեղ մի քանի բան է փոխվել. առաջինը բացի ներմուծումից և իրացումից նաև ձեռքբերումների նկատմամբ ենք հաշվարկելու: Տարվա ընթացքում որևէ ամսում 100 մլն դրամը դարձել է տարվա ժամանակաշրջանում 24 մլն դրամ: Հարկ վճարողների համար հստակ է լինելու նաև, թե որ ապրանքների մասով է չափագրում կատարելը: 100 մլն դրամը չգերազանցած շրջանառության հարկ վճարողների համար այդ կարգավորումները կգործեն 2025 թվականի հունվարի 1-ից: Նաև նախատեսվում է, որ 2025 թվականի հունվարի 1-ից շրջանառության հարկ վճարողները հանդես կգան որպես հարկային գործակալ՝ շուկայից ձեռքբերումների դեպքում (բացառությամբ գյուղատնտեսական արտադրանքի և երկրորդային հումքի): Նաև պատասխանատվություն է նախատեսված. եթե չափագրումների ընթացքում ավելցուկ հայտնաբերվի, շրջանառության հարկ վճարողները կտուգանվեն նախատեսված ապրանքի արժեքի 20 տոկոսի չափով, իսկ կրկնվելու դեպքում այդ արժեքը կդառնա 50 տոկոս»:

Այս թեմայով Աշխատանքային փորձի շեմը կնվազեցվի. կադաստրի կոմիտեն օրենսդրական փոփոխություններ է առաջարկում. «Փաստ» Հավանության է արժանացել «Գրադարանների և գրադարանային գործի մասին» օրենքում փոփոխություններ կատա­րելու մասին օրենսդրական նախաձեռնությունը Նորվեգիայում կարող է 26-ժամյա օր սահմանվել Ինչ փոփոխություններ է արձանագրել տարադրամի շուկան ապրիլի 9-ին Սահմանվել են ոսկու, արծաթի և պլատինի գները Սահմանվել են բռնության ենթարկված երեխային տրամադրվող աջակցության ձևերը և կարգը Իրազեկում. փոփոխություններ տուգանային միավորների կիրառման վերաբերյալ Անուղղակի հարկերի մուտքերի նկատմամբ վերահսկողության արդյունավետության բարձրացմանը միտված օրենսդրական նախաձեռնություն Դատախազությունում տեղի են ունեցել կադրային փոփոխություններ Իբր փողի խնդիր չկա, բայց գնում են թե՛ գների, թե՛ հարկերի դրույքաչափի բարձրացման ճանապարհով. «Փաստ»