ՆԱՏՕ-ն հակաօդային պաշտպանության բարելավման նպատակով զորավարժություն կանցկացնի

ՆԱՏՕ-ն սեպտեմբերի 30-ից հոկտեմբերի 11-ը Հունաստանում նախատեսում է անցկացնել «Ramstein Flag 24» անվանումով բարդ, բազմապլան տակտիկական զորավարժությունը:

Ինչպես փոխանցում է UK Defence Journal-ը, դաշինքի օդուժի զորավարժությունների պորտֆելի այս վերջին լրացումը նպատակ ունի ամրապնդել օդային, ծովային և ցամաքային պաշտպանության մարտավարությունը դաշնակից 13 երկրների միջև:

Աղբյուրի տեղեկատվությամբ՝ ՆԱՏՕ-ից պարզաբանել են, որ «Ramstein Flag 24»-ը նախատեսված է իրատեսական և բարդ գործառնական մարտահրավերներին դիմակայելու համար՝ արտացոլելով ՆԱՏՕ-ի հանձնառությունը զարգացնելու զորավարժությունների ռեժիմը՝ ի պատասխան փոփոխվող աշխարհաքաղաքական լարվածության:

Զորավարժությանը կմասնակցեն դաշնակից երկրների ավելի քան 140 ինքնաթիռ, ներառյալ՝ կործանիչներ և օժանդակ ստորաբաժանումներ, ռազմածովային, ցամաքային և հատուկ գործողությունների ուժեր:

Ramstein Flag 24-ը ոչ միայն փորձարկելու է հակաօդային պաշտպանության մարտավարական միջոցները, այլև թույլ է տալու ՆԱՏՕ-ի երկրներին կատարելագործել հակահրթիռային պաշտպանության ռազմավարությունը:

Ըստ աղբյուրի՝ այս զորավարժությունների հիմնական նպատակն է բարելավել համագործակցությունը, փոխգործակցությունը և ինտեգրումը ՆԱՏՕ-ի անդամների միջև՝ ցույց տալով դաշինքի վճռականությունն ու կարողությունը՝ զսպելու և պաշտպանվելու հավանական հակառակորդներից՝ համակարգված բազմաբնույթ գործողությունների միջոցով:

Այս թեմայով ՆԱՏՕ-ն Ռուսաստանի հետ պոտենցիալ հшկամարտության է պատրաստվում․ ՌԴ ԱԳՆ Քննարկվել են ՀՀ-ՆԱՏՕ ռազմական համագործակցության ծրագրերը ՆԱՏՕ-ի ԿՖՈՐ առաքելության հրամանատարությունն այցելել է Կոսովոյում տեղակայված ՀՀ զորախմբի ծառայության իրականացման վայր Մոսկվայում ցուցադրել են ռազմավարը՝ Ուկրաինայի և ՆԱՏՕ-ի զինտեխնիկան (լուսանկարներ) «Ժողովուրդ». Աննա Հակոբյանը քաղաքական նպատակով էր Գյումրիում. թեմի առաջնորդը «վտանգ» է համարվում ՆԱՏՕ-ի երկրները Կիևին չեն տվել խոստացված օգնությունը․ Ստոլտենբերգ Ռուսաստանի և ՆԱՏՕ-ի միջև բախումն անթույլատրելի է. Շոլց Կիրանցում շարունակում են ճանապարհը փակ պահել․ հայրենիքի սահմանների պաշտպանության չորրորդ օրն է Դիզայներ Արամ Նիկոլյանը Տավուշում է. միացել է հայրենիքի պաշտպանությանը (տեսանյութ) ՆԱՏՕ-ն ողջունում է Հայաստանի և Ադրբեջանի համաձայնությունը. Կոլոմինա