Մենք այսօր էլ շարունակում ենք բախվել ցեղասպանության տարբեր դրսևորումների. Սինանյան

Սփյուռքի գործերի գլխավոր հանձնակատար Զարեհ Սինանյանն, անդրադառնալով Հայոց ցեղասպանությանը և դրա հետևանքներին, նշել է, որ այսօր դեռ բախվում ենք ցեղասպանության տարբեր ձևաչափերի՝ մերօրյա դրսևորումների:

Սինանյանը նման կարծիք հայտնեց  Ծիծեռնակաբերդի հուշահամալիրում  լրագրողներին տված հարցազրույցում:

«Մենք նախորդ  տարվա սեպտեմբերին ապրեցինք  Լեռնային Ղարաբաղի հայության հայաթափման ոճրագործությունը, որն իր էությամբ ցեղասպանության մի տարատեսակ է: Մեր երկիրը, պետությունը, ժողովուրդը ազատ չէ գոյաբանական վտանգներից,  և այս  ամենը բխում է հենց ցեղասպանությունից, քանի որ այս գործընթացը դեռ շարունակվում է:

Իմ ցանկությունն ու իղձն  է, որ իրական հայրենասեր մարդիկ հավաքվեն, համախմբվեն և գործով այս պայքարի մասը դառնան, որպեսզի մենք կարողանանք Հայոց ցեղասպանության 110-ամյակը ոգեկոչել ավելի անվտանգ և ապահով  պայմաններում»,-նշեց Սինանյանը:

Հանձնակատարը նշեց՝ հաշվի առնելով այն, թե ինչ է տեղի ունենում մեր աշխարհամասում, պետք է հասկանանք,  որ  հույսը պետք է ինքներս մեզ վրա դնենք:

«Եթե աշխարհը որևէ դրական ձևով պետք է արձագանքի մեր պատմական և այսօրվա անվտանգային  արդար պահանջներին, ապա մենք դա պետք է առաջ բերենք մեր գործողություններով,  դրանք  սիրողական և լոզունգային մակարդակի չպետք է  լինեն, դրանք հաճախ մեզանից պահանջելու են դաժան և ծանր լուծումներ: Միայն աշխատանքի շնորհիվ ենք մենք կարողանալու այս  ամենը հաղթահարել»,-ընդգծեց Սփյուռքի գործերի գլխավոր հանձնակատարը:

Այս թեմայով Եթե մենք ոտքի չկանգնենք, ապա կորած ենք. երթին է միացել նկարիչ-դիզայներ Արման Նուռը Մենք ճամփա ենք ընկել, որ այս ամբողջ ճանապարհը դառնա եռագույնի հաղթանակը սև ու սպիտակի վրա. Բագրատ Սրբազան (տեսանյութ) Այս շարժումը 2018-ի հետ որևէ աղերս չունի, չկա նմանություն. մենք տարալուծում ենք բաժանարար գծերը (տեսանյութ) ԱՄՆ-ի, Իրանի, Լիբանանի, Սիրիայի նման ավանդական կարևոր ու խոշոր համայնքների դռները շարունակում են փակ մնալ Նիկոլի ու Սինանյան Զարեհի դիմաց․ քաղաքագետ Հայաստանը մեր մայր հայրենիքն է, բայց մենք ուզում ենք վերադառնալ Արցախ, մեր տուն. ստեփանակերտցի կին Դատախազությունը սրբազան կառույց է, իսկ դատախազները՝ տարբեր աստիճանի սրբեր․ փաստաբանի արձագանքը՝ Վարդապետյանին ՈւՂԻՂ. Ի՞նչ խնդիրներ ունեն արցախցիներն այսօր, ինչպես ու ինչպիսի Արցախ կվերադառնա արցախցին՝ քննարկում Սփյուռքի գործերի գլխավոր հանձնակատարը կգործուղվի Իտալիա «Արմավիր» ՔԿՀ-ում հանդիպեցի իշխանության՝ տարբեր գործերով կալանքի ենթարկված 4 քաղաքացիների. Աբրահամյան Չնայած բարդություններին՝ Հայաստանը շարունակում է ջանքերն՝ ուղղված մամուլի ազատության միջազգային ցուցանիշներում իր դիրքերի բարելավմանը․ ԱԳՆ