Ղրղզստանի հետ սահմանին փոխհրաձգության ընթացքում Տաջիկստանի բնակիչ է զոհվել. ԶԼՄ

Տաջիկստանի մեկ բնակիչ է զոհվել, եւս հինգը վիրավորվել են Ղրղզստանի հետ սահմանին տեղի ունեցած հակամարտության ժամանակ, Regnum.ru-ի փոխանցմամբ` հունվարի 27-ին հայտնել է ASIA-Plus-ը:

Ըստ Տաջիկստանի Իսֆարա քաղաքի կենտրոնական հիվանդանոցի աղբյուրների`  հրազենային վնասվածքներով այնտեղ են տեղափոխվել երեք խաղաղ բնակիչ և երկու զինվոր:

Հինգշաբթի ավելի վաղ Ղրղզստանի սահմանային ծառայությունը հայտնել էր, որ ղրղզա-տաջիկական սահմանին իրավիճակը սրվել է Բատկեն-Իսֆանա ճանապարհի արգելափակման պատճառով։ Ղրղզստանի և Տաջիկստանի սահմանային ներկայացուցիչների բանակցություններից հետո ճանապարհի հատվածը բացվել է։ Սակայն իրավիճակը վատթարացել է, և փոխհրաձգություն է տեղի ունեցել Ղրղզստանի և Տաջիկստանի սահմանապահ զորքերի ստորաբաժանումների միջև։ Տաջիկական կողմը օգտագործում է ականանետեր և նռնականետեր։