Մարիան իմ լավ բարեկամը և կուսակցական ընկերն է․ Սաղաթելյանը շնորհավորել է Սիրիայի նորընտիր հայ պատգամավորին

ԱԺ «Հայաստան» խմբակցության պատգամավոր Իշխան Սաղաթելյանը ֆեյսբուքյան իր էջում գրում է․

«Մեծ ուրախությամբ տեղեկացա, որ Սիրիայի Արաբական Հանրապետության խորհրդարանի պատգամավոր է ընտրվել հայազգի Մարիա Գաբրիելյանը։ Մարիան շուրջ 20 տարվա իմ լավ բարեկամը և կուսակցական ընկերն է։ Մարիայի մասին շատ կարելի է խոսել։ Նա սիրիական պատերազմի օրերին մնաց Սիրիայում հայ համայնքի կողքին, հալեպահայության դժվարին տարիներին մշտապես եղավ համայնքի ձայնը, իր ամենօրյա լրատվությամբ աշխարհի հայությանը ներկայացրեց դեպքերի զարգացումները, մեր համայնքի մաքառումն ու առօրյան։

Մարիայի հետ միասին մասնակցել ենք Դաշնակցության ուսանողական միությունների հավաքներին, բանակումներին, որոնց ընթացքում շատ ենք խոսել մեր պատկերացրած հզոր հայրենիքի, կազմակերպված և ուժեղ Սփյուռքի, Հայաստան- Սփյուռք ամուր կապերի մասին։

Այդ օրերին դժվար էր պատկերացնել, որ տարիներ անց դժվարին այս փորձության օրերին լինելու ենք երկու խորհրդարանների պատգամավորներ և արդեն այս կարգավիճակով փորձելու ենք նպաստել և՛ Հայրենիքում, և՛ Սիրիայում մեր հայրենակիցների առջև ծառացած մարտահրավերների հաղթահարմանը։

Սրտանց շնորհավորում և հաջողություն եմ մաղթում ընկերուհի Մարիային, վստահ եմ, որ նա իր էներգիայով, գիտելիքներով, աշխատասիրությամբ իր մեծ նպաստն է ունենալու Հայաստան- Սիրիա հարբերությունների զարգացման և ամրապնդման գործում»։

Հիշեցնենք, որ Մարիա Գաբրիելյանը Սիրիայի խորհրդարանում միակ հայ պատգամավորն է:

Այս թեմայով Թուրքիայի ՊՆ-ն հայտարարել է՝ Սիրիայի հետ խնդիրներ չկան «Շնորհավոր ծնունդդ «անիրական» մարդ»․ ինչպես է շնորհավորել Սոնա Եսայանը ամուսնուն Մեր հարաբերություններն անցել են ժամանակի փորձությունը. Պուտինը շնորհավորել է Լուկաշենկոյին Մեծարգո Նախագահին մաղթում եմ առողջություն, տոկունություն․ Վանեցյանը շնորհավորել է Բակո Սահակյանին Սաղաթելյանը Ուրուգվայից ժամանած պատվիրակության հետ քննարկել է Արցախի էթնիկ զտումը ու գերիների հարցը Լուկաշենկոն շնորհավորել է Մեհրիբանին ՀՀ ԱԳՆ-ն շնորհավորել է Ուրուգվայի ժողովրդին և կառավարությանն Անկախության օրվա առթիվ Ադրբեջանն ու Ուկրաինան փոխադարձաբար աջակցում են միմյանց տարածքային ամբողջականությանը․ Ալիևը շնորհավորել է Զելենսկիին Միրզոյանը շնորհավորել է Իրանի նորընտիր ԱԳ նախարարին ՀՀ ԱԳ նախարարը Ազգային տոնի առթիվ շնորհավորել է Լիխտենշտեյնի իր գործընկերոջը