Էլ ի՞նչ ունի զիջելու Հայաստանը

 Aravot.am-ը գրում է․

Վաշինգտոնի վերջին արձագանքը տալիս է հարցի պատասխանը, թե ի վերջո, ինչի՞ հանգեցրեց պաշտոնական Երեւանի հարմարվողական, զիջողական կեցվածքը։

ԱՄՆ պետքարտուղարի խոսնակ Մեթյու Միլերն օրերս ճեպազրույցում պատասխանելով լրագրողի` հայ-ադրբեջանական բանակցությունների վերաբերյալ հարցին, հայտարարել է, որ Հայաստանն ու Ադրբեջանը մեծ առաջընթաց են գրանցել եւ երկար ճանապարհ անցել խաղաղության պայմանագրի կնքման հարցում:

Միլերը նշել է, որ Վաշինգտոնը շարունակում է հորդորել կողմերին խաղաղության պայմանագրի կնքման հարցում, ապա հավելել է. «Երկու երկրների միջեւ խաղաղության պայմանագիրը շատ մեծ նշանակություն կունենա այդ երկրների համար։ Այն մեծ նշանակություն կունենա տարածաշրջանի, խաղաղության, կայունության, տարածաշրջանի անվտանգության համար։ Մենք, իրոք, կարծում ենք, որ համաձայնությունը հնարավոր է, բայց այն պահանջում է երկու կողմերին կատարել բարդ ընտրություններ եւ գնալ ծանր փոխզիջումների»: Նրա պնդմամբ՝ Վաշինգտոնը կշարունակի կողմերին մղել դեպի վերջնական համաձայնության հաստատում եւ տարաձայնությունների հարթեցում: Նա հայտնել է, որ Վաշինգտոնում կողմերն արձանագրել են առաջընթաց, սակայն խուսափել է մանրամասնել: «Մենք դեռ համաձայնություն չունենք եւ չենք էլ պատրաստվում հանգստանալ մինչեւ չհասնենք դրան»,- եզրափակել է Միլերը:

Հայաստանի իշխանությունները պարտավոր են պարզաբանում տալ, թե ի՞նչ «ծանր զիջումներ» են ակնկալում պաշտոնական Երեւանից: Ցավոտ զիջումներ, տրամաբանական կլիներ, եթե միջազգային դերակատարներն ակնկալեին Բաքվից, որտեղից պատերազմից հետո էլ շարունակաբար Հայաստանին նորանոր պահանջներ են ներկայացնում:

Այս թեմայով Պատրաստ է Հայաստանը, թե ՌԴ-ն տնտեսական սահմանափակումներ կիրառի. վարչապետը մանրամասնել է Հայաստանը բոլոր մակարդակներում սառեցրել է իր մասնակցությունը ՀԱՊԿ-ին. Փաշինյան Հայաստանը հավատարիմ է մնում բոլոր զոհերի և նրանց ընտանիքների համար արդարություն փնտրելուն․ ԱԳՆ Հայկ Թութունջյանը նոր պաշտոն ունի Հայաստանը շահագրգռված չէ խաղաղությամբ․ Ալիև Հայաստանը պետք է ներողություն խնդրի Ադրբեջանից. Ալիևի օգնական Փարիզում անցկացվող Պարալիմպիկ խաղերին Հայաստանն առաջին անգամ վարկանիշ նվաճած ներկայացուցիչներ ունի Ինչ առողջական խնդիր ունի Բագրատ Սրբազանը Հայաստանը կմասնակցի «Riga Food-2024» միջազգային ցուցահանդեսին Հայաստանը` առանց Նիկոլ Փաշինյանի (լուսանկար)