«Հրապարակ». Բուհը՝ բյուջե լցնելու խողովակ
Հայկական ՄամուլՏարիներ առաջ ամառները հատկապես թեժ էին լինում՝ կապված բուհերի ընդունելության քննությունների հետ: Մենք՝ լրագրողներս, շաբաթներ առաջ հավատարմագրվում էինք կրթության նախարարությունում, որ մասնակցեինք քննություններին, ապա քննական դահլիճներում ուշիուշով հետեւում էինք հանձնաժողովների անդամների անց ու դարձին՝ խախտումներ փնտրելով: Դաժան մրցակցություն էր հատկապես որոշ մասնագիտությունների գծով, եւ բոլորին հայտնի էր, որ ահռելի կաշառքներ են պտտվում, իսկ քննական հանձնաժողովում հայտնվելը խոպան գնալուն հավասար մի բան էր: Հիմա թեեւ քննությունները դեռ շարունակում են կոռուպցիոն ռիսկեր պարունակող գործընթաց դիտվել, բայց այդ աժիոտաժը չկա:
Մի կողմից բուհերի ու կրթության վարկանիշն է ընկել, մյուս կողմից բուհերը վերածվել են բիզնես-օբյեկտների, որտեղ ավելի շատ մտածում են վճարունակ ուսանողներ ձեռք գցելու, քան գիտելիք փոխանցելու մասին: Եւ սա է պատճառը, որ բուհ ընդունվելը խիստ հեշտացվել է, իսկ բուհից դուրս մնալը՝ դժվարացվել: Մասնագիտական շրջանակներում ասում են, որ ընդունելության քննությունների պահանջների մակարդակը եւս շատ են իջեցրել, բարձր գնահատականներ ստանալն այնքան բարդ չէ, ինչքան առաջ, իսկ դրական գնահատական ստանալն ընդհանրապես խաղ ու պար է: Եվ բոլոր դրական գնահատական ստացողներն ընդունվում են:
Մի կողմից սա անշուշտ լավ է՝ քննական սթրեսից երեխաներին զերծ պահելու առումով, բայց խոսում է նաեւ ընդունելության, կրթության ձեւականացման մասին: Խոսում է այն մասին, որ պետությունն զբաղված է 5 տարի շարունակ դիմորդին ու նրա ծնողներին «կթելով», եւ դա բյուջեն լցնելու լավագույն ձեւն է դարձել: Պատահական չէ, որ բուհերը խոշոր հարկատուների ցանկում են հայտնվել, մինչդեռ պետությունը պետք է ինքը ներդրումներ աներ:
Շարունակությունը` «Հրապարակ» օրաթերթի այսօրվա համարում: