Hetq.am-ը դատի է տվել «Վերջին բլոգ»-ին
ԲլոգոսֆերաԴավիթ Սանասարյանը ֆեյսբուքյան իր էջում գրել է.
«Այս գրառումը անելուց ցավ եմ ապրում և զայրույթս արտահայտում
Ամիսներ առաջ Վերջին բլոգում հրապարակել էինք Hetq.am-ի մի քանի հոդվածներ, որոնք, ըստ օրենսդրական պահանջների, պատշաճ հղումով չէինք վերցրել... Որից հետո Հետք-ի ներկայացուցիչ Գրիշա Բալասանյանը հայց էր ներկայացրել դատարան և պահանջել 200.000 դրամի փոխհատուցում....
Այս լուրը ստանալուց հետո, անձամբ խոսեցի Գրիշայի հետ, ում հետ ունենք շատ լավ հարաբերություններ, փոխադարձ հարգանք, և ասեցի, որ ես եմ մեղավորը և այսուհետ չի կրկնվի այդ սխալը: Ու ինքս, կարդալով շատ արժեքավոր հոդվածներ, այնուամենայնիվ, այլևս չեմ դնում բլոգում:
Ոչ միայն Գրիշայի այլ նաև հետքի գործուներությունը միշտ բարձր եմ գնահատել, սրա մասին բազմիցս գրել եմ, բայց այն ինչ անում են այս գործով հետքի խմբագրությունը և Գրիշան, մասնավորապես, հակադարձ համեմատական է Հետքի գործունեությանը՝ Գրիշան այսօր իր հարցազրույցի մեջ ասել էր, որ դիտավորություն կա մեր գործողությունների մեջ ու դրա համար մերժել էր հաշտության եզրեր գտնելու մեր առաջարկը...
Գրիշան, ինձ ճանաչելով հանդերձ, առանց ամոթ զգալու՝ հայտարարում է, որ դիտավորություն է տեսնում մեր գործերում:
Ուղղակի ափսոսալով հանդերձ՝ պետք է այս մոտեցումը որակեմ ոչ թե ըստ իրենց մեկնաբանության՝ դաշտը կարգավորելու միջոց է, այլ կարծում եմ 200.000 դրամի պակաս ունեն, ու փորձում են այս դատավարության միջոցով գումարի հարց լուծել, հակառակ դեպքում, նկատելով, որ սխալն ուղղված է, նման «սկզբունքայինություն» չէին ցուցաբերի...
Հ.Գ. Գրիշա ջան, փաստաբանական գործունեությունդ սկսում ես ոչ արդար մղումներով, քեզնից չէի սպասում...
Կհանդիպենք դատարանում»: