Բրազիլիայում կալանավորների միջև ընդհարման հետևանքով զոհվել է 7 մարդ, կան պատանդներ
ԱշխարհԲրազիլիայի հյուսիս-արևելքի Ֆեյրա դի Սանտանա քաղաքի բանտում մայիսի 24-ին ծայր առած անկարգությունների հետևանքով զոհվել են յոթ, վիրավորվել հինգ կալանավորներ: Ինչպես տեղական հեռուստատեսությանը հայտնել է քաղաքի զինվորական ոստիկանության պետ գնդապետ Ադելմարիու Շավիերը, իրադրությունը բանտի պահակախմբի վերահսկողությունց դուրս է եկել այն բանից հետո, երբ ներքին բանկում, որը նախատեսված է զբոսանքների համար, ընդհարումներ են սկսվել բանտարկյալների հակամարտող խմբավորումների միջև, տեղեկացնում է «Արմենպրես»-ը:
«Զոհվածներն ու վիրավորներն այդ ընդհարումների հետևանքն են»,- ասել է բանտի տնօրեն Քլերիստոն Լեյտեն: Նա նշել է, որ մայիսի 24-ին պատժական հիմնարկությունում եղել է տեսակցությունների օր: Դրանով է բացատրվում այն փաստը, որ ըմբոստացած կալանավորները բռնել և պահում են պատանդների, որոնց թվում կան կանայք և երեխաներ:
Ինչպես նշում է ՏԱՍՍ-ը, այժմ բանտի այն մասնաշենքը, որտեղ գտնվում են խռովարարները, շրջափակված է ոստիկանության կողմից: Կալանավորների հետ բանակցությունների շնորհիվ հաջողվել է տարահանել վիրավորներին, որոնց բժշկական օգնություն է ցույց տրվել: Սակայն ոստիկաններն առայժմ չեն կարողացել համաձայնության հասնել պատանդների ազատման շուրջը: Ըստ Բրազիլիայի զանգվածային լրատվամիջոցների հաղորդումների՝ Ֆեյրա դի Սանտանայի բանտում, որն սկզբնապես նախատեսված է եղել 644 բանտարկյալի համար, պահվում է 1467 մարդ: