Իսպանիայի առանձին շրջաններում օդի ջերմաստիճանը հասնում է 44-ի
ԱշխարհՍաստիկ տապ է հաստատվել Իսպանիայի գրեթե ամբողջ տարածքում. հունիսի 29-ին ջերմաչափերի սյուներն առանձին շրջաններում, ըստ կանխատեսումների, կհասնեն պլյուս 44 աստիճանի նշագծին, տեղեկացնում է «Արմենպրես»-ը:
Իսպանիայի տասնութ մարզեր հայտարարել են վտանգավորության «նարնջագույն» (բարձր) մակարդակ: «Կարմիր» (խիստ բարձր) մակարդակ է սահմանվել Կորդոբայում (Անդալուսիայի ինքնավար հանրակցություն, Իսպանիայի հարավ), որտեղ գյուղական շրջաններում ջերմաստիճանը կարող է հասնել 44-ի, 42 աստիճան է սպասվում Տոլեդոյում և Սևիլիայում:
Տապի առավելագույն մակարդակը շրջանցել է միայն հյուսիսային մարզերը, ինչպես նաև Միջերկրական ծովափի առանձին շրջաններ՝ Կաստելիոնան, Մուրսին, Մալագան:
Երկրի մեծ մասում ջերմաչափի սյուները տեղական ժամանակով ժամը 14:00-ից մինչև 20:00-ն ցույց են տալու 34-ից մինչև 44 աստիճան:
Մադրիդում, Խաենում (Անդալուսիա), Բադախոսայում (Էստրեմադուրա), Կասերեսում (Էստրեմադուրա), Սյուդադ Ռեալում (Կաստիլիա լա Մանչա) ջերմաստիճանը կհասնի 41-ի, Կուենկայում (Կաստիլիա լա Մանչա) և Գվադալահարայում (Կաստիլիա լա Մանչա)՝ 40 աստիճանի, հաղորդել է ՌԻԱ Նովոստին: