Ջիմի Քարտերի մոտ լյարդի քաղցկեղ են ախտորոշել
ԱՄՆԱՄՆ-ի նախկին նախագահ Ջիմի Քարտերի մոտ լյարդի վիրահատության ժամանակ քաղցկեղային ուռուցք Է հայտնաբերվել: Ինչպես ասում Է քաղական գործիչն ինքը, անալիզները ցույց են տվել, որ մետաստազները տարածվել են նաեւ այլ օրգաններ, տեղեկացնում Է «Արմենպրես»-ը՝ հղում անելով BBC-ին:
Բժիշկները վիրահատություն Էին նշանակել օգոստոսի սկզբին, որպեսզի հեռացնեն 90-ամյա Քարտերի լյարդի մի մասը:
Նախկին նախագահը խոստացել Է հաղորդել մանրամասնություններն այն բանից հետո, երբ վերջնական ախտորոշում կարվի, հնարավոր Է, դա տեղի ունենա հաջորդ շաբաթ: Նա բուժընթաց կանցնի Ատլանտայում: Քարտերի հայրը, մայրը, երկու քույրերը եւ եղբայրը մահվանից առաջ տառապել են ենթաստամոքսային գեղձի քաղցկեղով:
ԱՄՆ-ի նախագահ Բարաք Օբաման շուտափույթ ապաքինում Է մաղթել Քարտերին: «Ջիմի՛, դու նրանցից ես, ում անկոտրում են համարում, եւ ամբողջ Ամերիկայի հետ մեկտեղ մենք անհանգստանում ենք քեզ համար»,- ասել Է նա:
1981 թվականից, երբ ավարտվեց նրա նախագահական ժամկետը, դեմոկրատ Քարտերն զբաղվել Է իրավապաշտպան եւ բարեգործական գործունեությամբ՝ Carter Center սեփական կազմակերության հովանու ներքո, որը նա հիմնել Է Սպիտակ տնից հեռանալուց հետո շատ չանցած: