ՆԱՏՕ-ի գագաթնաժողովի կենտրոնական թեման կդառնան դաշինքի հարաբերությունները Ռուսաստանի հետ. Պենտագոն
ԱշխարհՌուսաստանի հետ ՆԱՏՕ-ի հարաբերությունները կդառնան դաշինքի գագաթնաժողովի կենտրոնական թեման, գագաթնաժողով, որը հուլիսի 8-ին սկսվում է Վարշավայում: Այս մասին հուլիսի 7-ին պատմել է ԱՄՆ-ի պաշտպանության նախարար Էշթոն Քարթերը՝ իր ինքնաթիռում՝ զրուցելով լրագրողների հետ, որոնք Պենտագոնի ղեկավարին ուղեկցում են Լեհաստանի մայրաքաղաք, տեղեկացնում է «Արմենպրես»-ը:
«Այս գագաթնաժողովի կենտրոնական թեման կդառնա ՆԱՏՕ-ի մոտեցումը Ռուսաստանի հետ հարաբերություններին, մոտեցում, որն ուժեղ է եւ հավասարակշռված»,- մեջբերում է անում Պենտագոնի մամուլի ծառայությունը նախարարի խոսքից:
«Ես այն (մոտեցումը) ուժեղ եւ հավասարակշռված համարեցի, որովհետեւ ՆԱՏՕ-ն նաեւ շարունակում է աշխատել Ռուսաստանի հետ այնտեղ, որտեղ դա հնարավոր է, եւ նախկինի պես բաց է Ռուսաստանի հետ համագործակցության ընդլայնման համար, ինչպես դա սառը պատերազմի ավարտից հետո էր»,- կարծում է Պենտագոնի ղեկավարը, հաղորդել է ՏԱՍՍ-ը: