Մայր Թերեզան դասվել է Հռոմեական կաթոլիկ եկեղեցու սրբերի շարքը
ՀասարակությունՀանրահայտ կաթոլիկ միանձնուհի, «Սիրո Քույր Քարոզիչներ» միանձնուհիների միաբանության հիմնադիր մայր Թերեզա Կալկաթացին դասվել է Հռոմեական կաթոլիկ եկեղեցու սրբերի շարքը։
Սրբադասման արարողությունը կիրակի կայացել է Վատիկանի Սուրբ Պետրոսի հրապարակում կայացած պատարագի ընթացքում, որը գլխավորել է Հռոմի Ֆրանցիսկոս պապը։ Արարողությանը ներկա են եղել աշխարհի տարբեր երկրների ավելի քան 100 հազար հավատացյալներ։
Իտալական ԶԼՄ-ները մայր Թերեզայի սրբադասումը համարում են Ֆրանցիսկոս պապի հայտարարած արտահերթ Գթասիրության հոբելյանական տարվա ամենակրոր իրադարձություններից մեկը։
Եկեղեցու մեծագործների հռչակման Վատիկանի հատուկ հանձնաժողովը հրաշք Է ճանաչել մայր Թերեզայի աղոթքներով 35-ամյա բրազիլուհու գիտականորեն անբացատրելի բուժումը, ինչը պաշտոնական հիմնավորում Է ծառայում նրա սրբադասման համար:
Ծագումով ալբանուհի մայր Թերեզան ծնվել Է 1910 թվականին՝ Սկոպյեում, բայց երկար տարիներ աշխատել Է Կալկաթայում (ուստի նրան հաճախ անվանում են Կալկաթայի մայր Թերեզա), որտեղ բարեգործական առաքելություն Է հիմնել: Այնտեղ Էլ նա վախճանվել Է 1997 թվականին: 1979 թվականին մայր Թերեզան արժանացել Է Խաղաղության Նոբելյան մրցանակի: 2003 թվականին նա երանելի Է հռչակվել Հովհաննես Պողոս Երկրորդ պապի նախաձեռնությամբ:
Ըստ Վիքիպեդիայի, որոշ տվյալներով՝ նա ունի հայկական ծագում, ինչի մասին Վազգեն Առաջինն է հայտնել Մայր Թերեզայի հետ հանդիպումից հետո. «1988 թվականի Սպիտակի երկրաշարժից հետո, երբ Մայր Թերեզան ժամանել էր Հայաստան, հանդիպեց նաև Վազգեն Առաջինի հետ: Հանդիպման ընթացքում Մայր Թերեզան կաթողիկոսին պատմել է իր հայկական ծագման մասին: Նրա իսկական անուն ազգանունը Ագնեսսա Բոյաջյան է, հայրը Արևմտյան Հայաստանից է գաղթել Ալբանիա, մայրն էլ ալբանուհի քրիստոնյա է։