Մախաչկալայում սպանվել է մայիսի 3–ին իրականացված ահաբեկչության մեջ ներգրավված գրոհայինների խմբավորման անդամը
ՏարածաշրջանՄախաչկալայում նախօրեին իրավապահ մարմինների կողմից ձեռնարկած հատուկ գործողությունների հետևանքով զոհվել է մայիսի 3–ին ոստիկանական անցակետում երկու հզոր պայթյունների կազմակերպման մեջ ներգրավված գրոհայինների խմբավորման անդամը, հաղորդում է Itar–Tass–ը։
Լրատվական գործակալությանը տեղի իրավապահ մարմինների փոխանցմամբ՝ գրոհայինը սպանվել է այն բանից հետո, երբ իր հետ բնակարանում եղած կանանց և երեխաներին ազատ արձակելու հաջող բանակցություններից հետո անսպասելիորեն դիմադրություն է ցույց տվել և կրակել իրավապահ մարմինների ուղղությամբ։ Կասկածյալի ինքնությունը պարզվել է։ Վերջինս Բույնակսկայում 1992–ին ծնված Մանսուր Մահմուդ Միդալն է։
Ինչպես հայտնել են Մախաչկալայի իրավապահ մարմինները, Մանսուրը 2011–ի դեկտեմբերին անդամակցել է «Կասպյան հանցավոր խմբավորմանը», այնուհետև «Մախաչկալյան» գրոհայինների խմբավորմանը և մասնակից է դարձել մի շարք ծանր հանցագործությունների իրականացմանը։