Կարիբյան ավազանի երկրներում «Մեթյու» փոթորկի զոհերի թիվը հասել Է 39-ի
ԱշխարհԿարիբյան տարածաշրջանի երկրներում մոլեգնող «Մեթյու» հզոր փոթորկի զոհերի թիվը հասել է 39-ի: Այդ մասին հոկտեմբերի 6-ին հայտնել է Reuters գործակալությունը՝ վկայակոչելով տեղի իշխանություններին:
Ավելի վաղ նշվել էր 27 զոհվածների մասին, այդ թվում՝ Դոմինիկյան Հանրապետությունում, Կոլումբիայում եւ Սենթ-Վինսենթ Գրենադիններում: Սակայն զոհերի մեծամասնությունը բաժին Է ընկնում Հայիթիին՝ 35 զոհ, ասված է գործակալության հաղորագրության մեջ:
Ներկայում «Մեթյու» փոթորիկը թուլացել է մինչեւ երրորդ կատեգորիա եւ անցնում է Բահամյան կղզիների կենտրոնական մասով: Ինչպես սպասվում է, փոթորիկը կհասնի ԱՄՆ-ի Ֆլորիդայի նահանգ:
Ավելի վաղ տեղեկացվել Է, որ ԱՄՆ-ում գրեթե 1,6 հազար ավիաչվերթ է չեղարկվել «Մեթյու» փոթորկի սպառնալիքի պատճառով, որը շարժվում է երկրի հարավարեւելյան տարածաշրջանների կողմը: Առկա տեղեկությունների համաձայն՝ առավել շատ չվերթեր են չեղարկվել Մայամիի (Ֆլորիդայի նահանգ) միջազգային օդանավակայանում, ինչպես նաեւ Օռլանդոյում եւ Ֆորտ Լոդերդեյլում, որոնք գտնվում են նույն նահանգում:
Տարերքի հարավածներին ենթակա տարածաշրջաններում չվերթերի չեղարկման մասին հայտարարել են ամերիկյան գրեթե բոլոր ավիաընկերությունները, ներառյալ American Airlines-ը, Delta Air Lines-ը, United Airlines-ը եւ Southwest Airlines-ը: Փոթորկի մոտենալու կապակցությամբ արտակարգ դրության ռեժիմ է հայտարարված Ֆլորիդայի, Ջոջիայի, Հյուսիսային եւ Հարավային Կարոլինայի նահանգներում: Այդ նահանգների այն բնակիչների թիվը, որոնք տարհանման հանձնարարություն են ստացել իշխանությունների կողմից, գերազանցել է երկու միլիոնը: Ֆլորիդայում պատրաստության վիճակի են բերվել Ազգային գվարդիայի 6 հազա ր պահեստազորայիններ, հաղորդել է ՌԻԱ Նովոստին:
Լուսանկարը` AFP