Երեկ մի հետաքրքիր միջադեպ եղավ, մինչև հիմա մտքիցս դուրս չի գալիս
ԲլոգոսֆերաԳյուղատնտես Հարություն Մնացականյանը գրում է.
Երեկ մի հետաքրքիր միջադեպ եղավ, մինչև հիմա մտքիցս դուրս չի գալիս։ Մերձավոր արևելքից մի մուսուլման մեծահարուստ էր եկել՝ գյուղատնտեսության ոլորտը ուսումնասիրելու և հետագայում ներդրումներ անելու նպատակով, ներկայացրեցի իրեն հետաքրքրող ոլորտը՝ առավելություններով և ռիսկերով հանդերձ , միասին մի քանի գյուղեր շրջեցինք, վերջում ինձ հարց տվեց՝ արդյոք գիտե՞մ տարածք ,իր գործին հարմար՝ գնելու և գործունեությունը ծավալելու համար, ասացի ,որ x բնակավայրում կա տարածք , որը բանկը վերցրել է սնանկացած տիրոջից և աճուրդի հանել էժան գնով, եթե կուզի կարող եմ հետաքրքրվել ,տանել ցույց տալ տարածքը և եթե հավանի, կարող է գնել բանկից։ Նայեց ինձ, գլխով բացասական պատասխան տվեց, բա ոչ, կգնանք տարածքը կնայենք, եթե հարմար եղավ ես ինձ թույլ չեմ տա բանկից գնել, կգտնենք տիրոջը, թեկուզ թանկ գնով կվճարենք իրեն, թող պարտքերը մարի բանկին իրենից գնենք , մարդու անելանելի վիճակից օգտվելը և էդ պարագայում հասանելիքից ավել շահ հետապնդելը իսկական մարդուն վայել չէ, արդար չէ, ես հարամին երբեք չեմ ձգտում։
Մի բան հասկացա , երբ մարդ հոգով ազնվական է, այդտեղ ոչ ազգությունը կապ ունի, ոչ կրոնը։