«Փյունիկ»-ի և «Շիրակ»-ի հաղթանակով վերսկսվեց Հայաստանի առաջնությունը (տեսանյութ)
ՏեսանյութերՁմեռային դադարից հետո վերսկսվեց Հայաստանի Բարձրագույն խմբի առաջնությունը:
Առաջնության 16-րդ տուրի մեկնարկային խաղում այսօր տեղի ունեցավ երկու հանդիպում:
«Ալաշկերտ»-ը ուժերը չափեց «Շիրակ»-ի հետ: Դիմակայությունն ավարտվեց Գյումրիի թիմի հաղթանակով՝ նվազագույն հաշվով:
Հաղթական գոլը իր հաշվին գրանցեց Իգոր Ստանոյևիչը. ֆուտբոլիստը 14-րդ րոպեին աչքի ընկավ տուգանային հարվածից:
Օրվա մյուս խաղում «Փյունիկ»-ը 2:0 հաշվով առավելության հասավ «Բանանց»-ի «նկատմամբ: Հանդիպման 28-րդ րոպեին գոլի հեղինակ դարձավ Պետրոս Ավետիսյանը: 88-րդ րոպեին Ավետիսյանը նաև երկրորդ արդյունավետ հարվածը կատարեց մրցակցի դարպասին (11 մետրանոց):
Նշենք, որ մրցաշարային աղյուսակը գլխավորում է «Ալաշկերտ»-ը` 30 միավորով, «Շիրակ»-ը իր միավորների քանակը հասցրեց 22-ի, նույնքան միավոր ունի նաև «Բանանց»-ը ,«Փյունիկ»-ը ունի 20 միավոր:
Մարտի 1-ին միմյանց կհանդիպեն «Արարատ»-ը և «Գանձասար-Կապան»-ը:
Տեսանյութը և լուսանկարը՝ «Փյունիկ»-ի մամուլի ծառայության: