ՌԴ նախագահական ընտրությունները մասնակցության իմաստով աննախադեպ են. Հայաստանում ՌԴ դեսպան
ArmeniaՀայաստանում Ռուսաստանի Դաշնության արտակարգ եւ լիազոր դեսպան Իվան Վոլինկինը կատարեց իր քաղաքացիական պարտքը՝ Երեւանում ՌԴ դեսպանատան շենքում տեղակայված ընտրատեղամասում մասնակցելով Ռուսաստանի նախագահական ընտրությունների քվեարկությանը:
Դեսպանը, մասնավորապես, նշեց, որ այս ընտրությունները ընտրողների մասնակցության իմաստով աննախադեպ են:
«Մենք ընտրում ենք Ռուսաստանի ապագան, մեր երեխաների ապագան, մեր թոռների ապագան, սա է նման ակտիվության պատճառը: Ժողովուրդը շահագրգռված է, որ ավելի լավ ապրի, որ երկիրն ավելի գեղեցիկ լինի: Հենց այս պատճառով ենք մենք այսպիսի ակտիվություն տեսնում»,- պարզաբանել է Իվան Վոլինկինը:
Ըստ որում՝ դեսպանը նշեց, որ նախորդ ընտրությունների համեմատությամբ՝ այս ընտրություններն ավելի ակտիվ են ընթանում: