Լևոն Իգիթյան․ Արթուր Մեսչյանն այլանդակեց Կոմիտասի թանգարանի շենքը
ՀայաստանԵրևանի քաղաքապետարանի «Հանրապետական» խմբակցության անդամ, ճարտարապետ Լևոն Իգիթյանն այն համոզմանն է, որ Թամանյանի կառուցած ոչ մի շենք երևանում չի քանդվում։ Այս մասին այսօր ավագանու նիստի ավարտից հետո լրագրողների հետ զրույցում ասաց նա։
Վերջինս որպես օրինակ բերեց Կոմիտասի թանգարանի նախկին շենքը և նշեց, որ դրա հեղինակը ՀՀ մեծ ճարտարապետներից մեկը՝ Կորյուն Հակոբյանն էր և դա ավարտված, կերպար ունեցող շենք էր:
Ինչ վերաբերում է Արթուր Մեսչյանի լուծմանը, ապա Իգիթյանը նշեց, որ շատ է ցավում, որ ինքը հաշվի չառավ, որ այդ մեծ հեղինակը նաև սրտացավ է եղել իր նկատմամբ, երբ ինքն աշխատանքի չէր կարող ընդունվել՝ էն թեթևսոլիկ անգլիական դեսպանատուն ընդունվելուց հետո: «Երբ ցուցմունք կար նրան աշխատանքի չընդունել, ես էի պայքարում իր շահերի համար, և Կորյուն Հակոբյանը՝ որպես մեծ անուն ունեցող մարդ, մեր կողքին կանգնեց, որ Արթուր Մեսչյանին աշխատանք տան, իսկ ինքը և՛ ճարտարապետական, և՛ մարդկային էթիկան խախտեց և այդ շենքն այլանդակեց իր նորարարությամբ»,- ասաց ավագանու ՀՀԿ-ական անդամը։