«Արաբկիր»-ը և Starkey-ն լսողական սարքերի տրամադրումը կշարունակեն Ծաղկաձորում
Հայաստան«Արաբկիր» Միացյալ մանկական բարեգործական հիմնադրամը և Starkey հիմնադրամը մայիսի 27-ին իրականացրին հերթական առաքելությունը Երևանում, «Սեյվ դը Չիլդրեն ինթերնեյշնլ»-ի հայաստանյան կենտրոնում, իսկ մայիսի 28-ին և 29-ին այն կիրականացվի Ծաղկաձորում, որի շրջանակներում մոտ 1500 հոգու Երևանից և ՀՀ մարզերից կմատուցվեն հետևյալ ծառայությունները՝ գրանցում, ականջի և լսողության հետազոտում, ականջի ներդիրների և լսողական սարքերի տրամադրում, մարտկոցների ապահովում, խորհրդատվություն և այլն:
Ինչպես տեղեկացրին «Արաբկիր» Միացյալ մանկական բարեգործական հիմնադրամից, «Ստարքի»-ի այս տարվա առաքելությանն աջակցել են՝
- ՁԻԱՀ-ի դեմ պայքարի Էլթոն Ջոնի հիմնադրամ
- Հայաստանի լսողության հիմնադրամ
- Հայ առաքելական եկեղեցու Արևմտյան թեմ
- Մայր Աթոռ Սուրբ Էջմիածին
- Ստարկի լսողական տեխնոլոգիաներ – Մեծ Բրիտանիա
Հաղորդագրության մեջ նաև նշված է. «2015թ-ին «Արաբկիր» Միացյալ մանկական բարեգործական հիմնադրամին, որի հիմնադիրն է Արա Բաբլոյանը, Լոս Անջելեսի Քավուկջյան ընտանիքի ջանքերով հաջողվեց համաձայնության գալ լսողական սարքերի արդյունաբերող ամերիկյան հանրահայտ Սթարքի (Starkey) հիմնադրամի հետ՝ բարեգործական առաքելություն իրականացնել Հայաստանում՝ կարիքավոր անձանց ապահովելու լսողական սարքերով: Ծրագրի հիմնական թիրախ են հանդիսանում սոցիալապես անապահով և խոցելի խմբերը:
Սթարքի ընկերությունն ու Սթարքի հիմնադրամը այդ առաքելությունն իրականացրել են աշխարհի 106 երկրներում, որոնցից 60-ում այն կրում է շարունակական բնույթ: 2017թ. առաքելությունը մեծ հաջողությամբ իրականացվեց նաև Հայաստանում, որի արդյունքում 1800-ից ավել շահառուներ ապահովվեցին լսողական սարքերով և այն դարձավ շարունակական և կայուն ծրագիր»:
«Արաբկիր» Միացյալ մանկական բարեգործական հիմնադրամը, որի հիմնադիրն է Արա Բաբլոյանը, ստեղծվել է 1995թ. և տարիներ շարունակ գործունեություն է ծավալում մտավոր, ֆիզիկական, լսողական, հաղորդակցման և այլ խնդիրներ ունեցող անձանց վերականգնողական ծառայությունների և հասարակության մեջ ինտեգրման ծրագրերի իրականացման ուղղությամբ»:
Մայիսի 27-ին իրականացված առաքելությունը՝ Starkey հիմնադրամի կողմից լսողական սարքերի տրամադրման երկրորդ փուլի մեկնարկին մասնակցել են բրիտանացի երգիչ Էլթոն Ջոնը, ՀՀ ԱԺ նախագահ Արա